Qajymuqan sport mektebi – chempıondar ustahanasy

Sport súıer qaýym elimizde jyl saıyn tamyz aıynyń úshinshi jeksenbisi Sport kúni bolyp atalyp kele jatqanyn jaqsy bilýi tıis. Osyǵan baılanysty biz búgin oqyrmannyń nazaryna Qajymuqan Muńaıtpasov atyndaǵy Olımpıada rezerviniń respýblıkalyq mamandyrylǵan  mektep-ınternet-kolledj týraly málimet berip, onyń basshysy Málik Sapashevpen suhbatty usynýdy jón kórip otyrmyz.

— Málik Ábýhanuly, kele jatqan jańa oqý jylymen quttyqtaýǵa ruqsat etińiz. Osy oraıda ózińiz basqaryp otyrǵan mekemeńiz týraly qysqasha aqparat berseńiz.

-Aldymen osylaı bizge kóńil bólip, óz ýaqytyńyzdy arnap, alystan kelip otyrǵanyńyzǵa rahmet aıtamyn. Sportqa degen qyzyǵýshylyǵyńyz arta bersin.

Jarty ǵasyr tarıhy bar sport mekemesinen kóptegen Olımpıada, álem jáne qurlyqtyq jarystardyń chempıondary men júldegerleri shyqty. Ony bári biledi. Tipti, saıasatqa da aralasqan tulǵalar bar. Bizdiń túlekterimiz Dáýlet Turlyhanov pen Olga Shıshıgına Parlament Májilisiniń depýttary da bolǵan.

2000 jyldardyń basynda Qajymuqan Muńaıtpasov atyndaǵy sport mektebi el ordasy — Astana qalasyna qońys aýdardy. Al, keıin, Úkimetiniń jarlyǵyna sáıkes, mektep-ınternat-kolledj dárejesine ıe boldy.

Qazirgi tańda bizdiń mekemede 18 Olımpıada sport túrleri qamtylǵan, onyń ishinde 4 qysqy sport túri. Jalpy sportshylar sany 400-ge jýyq oqýshylar men kolledj stýdentteri, olardyń arasynda 280 oqýshy mektepte, 120 stýdent kolledjde oqıdy.

-Tamasha eken. Al, bıylǵy jetistikter týraly aıtyp ótseńiz. Basqa sport ınternattarǵa qaraǵanda siz basqaryp otyrǵan mektep aldynǵy qatarda tur dep estip otyrmyn.

-Rahmet! Iá, Sport jáne dene shynyqtyrý isteri komıteti jylda arnaıy reıtıngterin jarııalap turady. Osy tizimde biz taǵy da 4 respýblıkalyq mektep-ınternat-kolledjderge qaraǵanda aldynǵy qatardy tur ekenbiz.

Balalarymyz 250 oryndyǵy bar jataqhanamen qamtylǵan. Kúnine 6 ret tamaqtanady. Tipti taǵam mólsherinde qyzyl jáne qara ýyldyryq bar. Olarǵa medıına jáne psıhologııa mamandary jaqsy kómek berip jatyr. Tárbıeshiler toby jasóspirimdermen qyzyqty, qazirgi zamanǵa saı tárbıe jumystaryn atqarýda. Oqý proesi, ádettegideı, zamanǵa saı qoıylǵan. Kúnine eki mezgil jattyǵýǵa aparatyn arnaıy avtobýstarymyz bar. О́z sporttyq bazamyz qyzmet etýde. Oqýshylar men stýdedentter «Qajymuqan» sport kesheninde daıyndalýda. Balalarǵa barsha jaǵdaı jasalýda. Olarǵa tek qana joǵary sporttyq nátıje kórsetse bolǵany.

Bıyl tuńǵysh ret ótken «Mınıstr kýbogynyń» chempıony da atandyq. Elimizdiń 17 sport-ınternattar arasynda 4 sport túri boıynsha uıymdastyrylǵan dodada birinshi oryndy jeńip aldyq. Aıtarlyqtaı sporttyq jetistikterimiz de bar. Bıyl bizdiń sportshylarymyz kóptegen halyqaralyq dodalarda top jaryp, jeńimpaz atandy. Olardyń ishinde konkımen júgirýde Alına Daýranova, grek-rım kúresinde Maqsat Saılaý, Din-Muhamed Qoshqar, veloshabandozdarymyz, kórkem gımnasshylarymyz, fýtbolshy qyzdarymyz, sý dobynan jarystarǵa qatysatyn balalarymyz, taekvondoshylarymyz, short-trekshilerimiz, eskek esýshilerimiz, boksshylarymyz jasóspirimder, jastar, tipti eresekter arasynda kózge tústi.

-Keremet! Bıyl taǵy da jańa oqýshylar men stýdentter keledi ǵoı. Olardy qalaı qabyldaısyz, qandaı talaptar qoıylady?

-Bizdiń mektep-ınternat-kolledjimiz — sportta daryndy balalarǵa arnalǵan oqý-sport ordasy. Oǵan tek myqtylary ǵana túse alady. Jalpy, bıyl 7 synyptan bastap 82 adam mekteptiń 2022-2023 oqý jylyna qabyldanady. Bıyl 23-26 tamyz aralyǵynda arnaıy qabyldaý emtıhandary ótedi. Bári ashyq. Oqýǵa qabyldaý únemi ádiletti túrde uıymdastyrylady. О́zderińizdi emtıhandardy kórýge shaqyramyz. Tipti, jemqorlyqqa qarsy agenttiktiń arnaıy qyzmetkerleri bizde komıssııa músheleri bolyp tirkelgen. Sport túrleri boıynsha Qazaqstan Respýblıkasynyń memlekettik jattyqtyrýshylary da qatysady.

Bizge elimizdiń ár aımaǵynan kóptegen balalar oqýǵa túsýge nıet bildirýde. Qazirgi tańda mektep pen kolledjge 290 adam qujattaryn tapsyrdy. Sonda bir orynǵa ortasha eseppen 3-4 adam talasady degen sóz. Básekelestik óte myqty. Oǵan qosa, balalar arasynda zań boıynsha, oqý jylynda eki ret arnaıy attestaııa ótkiziledi. Onda oqý, tárbıe jáne sporttyq nátıjeleri boıynsha sportshylar oqýdan ne shyǵarylady, ne qaldyrylady. Erejelerimiz qatań bolsa da, ádil. Sonyń arqasynda Qazaqstannyń ulttyq qurama komandalarda basym bóligi bizdiń oqýshylarymyz ben stýdentterimiz. Jasóspirimder, jastar jáne eresekter quramynda 62% bizdiń sport ordasynyń tárbıelenýshileri.  Al, Qazaqstannyń ulttyq qurama komandalarynda2022 jyly  oqýlaryn aıaqtaǵan sportshylarymyz tipti 82% boldy.

-О́te jaqsy eken! Osy baǵyttan taımańyz endi, Málik Ábýhanuly! Alǵa qoıǵan josparlaryńyz qandaı? Jańa maýsymda qaı baǵytta jumys atqarasyzdar?

— Mádenıet jáne sport mınıstri Dáýren Áskerbekuly Abaev jańa bastamalardy kóterýde. Onyń ishinde sporttyq rezervti jańa tásildermen daıyndaý ádistemeleri de qarastylǵan. Bul qýantarlyq jaıt. Oǵan qosa, oqýshylar, balalar men jasóspirimder jáne jastarǵa arnalǵan zamanaýı sporttyq platformalar barshylyq. Atqarýshy organ tarapynan jumysymyzdy jandandyrýǵa jáne ınnovaııalyq tehnologııalardy qosyp paıdalanýǵa tolyq múmkindikter qarastylýda.

Sport jáne dene shynyqtyrý isteri komıtetiniń tapsyrmasy boıynsha ońtaılandyrý jumystaryn bastap kettik. Bul proestiń qorytyndysy bolashaqta oń baǵasyna ıe bolatynyna senimdimin.

Materıaldyq bazamyzdy jaqsartýǵa nıet bar. Dene shynyqtyrý jáne densaýlyqty nyǵaıtý kesheniniń qurylysyn bastaǵymyz keledi. Basshylar tarapynan qarsylyq joq.

Byltyr Qajymuqan Muńaıtpasovtyń 150 jyldyǵyna oraı mekememizdiń sport keshenińe «Qajymuqan» ataýyn berip eskertkish-músindi saltanatty túrde ornattyqú Oǵan zııaly qaýym qatysty. Bul monýment balalarymyzǵa rýh berýde. Jarys aldynda olar palýan-babasynan batasyn alǵandaı áserde júredi.

-Tamasha eken! Suhbat bergenińizge kóp rahmet! Bizdiń oqyrmandarymyzǵa taǵy da aıtar tilekterińiz bar ma?

-Sizderge kóp rahmet! Únemi sportty nasıhattap júresizder, onyń ishinde balalar men jastar sportyna kóńil bólip jatsyzdar. Sizderge myń da bir alǵys! Al, oqyrmandarǵa aıtarym, sizderdi shyn júrekten Sport kúnimen quttyqtap, dene shynyqtyrýmen aınalysýǵa keńes beremin.

-Sizge de Málik Ábýhanuly altyn ýaqytyńyzdy bólip, bizben kezdeskenińizge rahmet! Jeńisti kúnderde júzdeseıik!

Áńgimelesken

Dastan KENJALIN