SportPress.kz قازاقستان سپورت جاڭالىقتارى
الماتىدا 10 قىركۇيەك كۇنى قالالىق دەنە شىنىقتىرۋ جانە سپورت باسقارماسىنىڭ ۇيىمدامستىرۋىمەن «مەدەۋ» سپورت كەشەنىندە كاسىپقوي بوكسشى گەننادي گولوۆكيننىڭ مەكسيكالىق ساۋل «كانەلو» الۆارەسپەن جەكپە-جەگى الدىندا وتانداسىمىزدى قولداۋعا ارنالعان اكتسيا وتەدى.
«مەدەۋ» سپورت كەشەنىنىڭ ديرەكتورى نيكولاي گرەبنەۆتىڭ ايتۋىنشا، اكتسيا گولوۆكين مەن الۆارەستىڭ تريلوگياسىنىڭ الدىندا، ياعني ايقاسقا ءبىر اپتا قالعاندا وتكىزىلەدى. گولوۆكين كوپ ۋاقىتتان بەرى ەلىمىزدىڭ كوك بايراعىن كوككە كوتەرىپ، ءانۇرانىمىزدى شىرقاتىپ كەلەدى. سوندىقتان الماتىلىقتار مەن قالا قوناقتارىنا وتانداسىمىزدى قولداۋ ءۇشىن وسىنداي وتانسۇيگىشتىك ءىس-شارانى وتكىزۋ قولعا الىندى.
بۇل اكتسيانى «مەدەۋ» سپورت كەشەنىندە وتكىزەتىن سەبەبىمىز، بيىل اتاقتى مۇز ايدىنىنا 50 جىل تولادى. قازىر مۇز ايدىنىن بۇكىل جەر-ءجۇزى بىلەدى. ول دۇنيەجۇزىنە گولوۆكين سياقتى كەڭىنەن تانىمال. سول سەبەپتى ءبىز وتانسىمىزدىڭ «كانەلومەن» جەكپە-جەگى الدىندا وعان وسى جەردە قولداۋ كورسەتۋ اكتسياسىن ۇيىمداستىرۋدى ءجون كورىپ وتىرمىز، – دەدى ول.
ونىڭ ايتۋىنشا، اكتسيا گولوۆكينگە مورالدىق تۇرعىدا ۇلكەن قولداۋ بولادى. وسى قولداۋدى سەزىنگەن سوڭ ول مىندەتتى تۇردە مەكسيكالىقتى جەڭەدى.
ەرزات سەرعازين،
جۋرناليست
الماتى
