«ءبىزدىڭ ماقساتىمىز ايقىن!» اكتسياسى: جەڭىمپازدارعا قۇرمەت كورسەتىلدى

وتكەن سەنبىدە الماتى وبلىسى تالعار اۋدانىندا سپورتىنىڭ دامۋىنا ۇلەس قوسىپ جۇرگەن ۇزدىكتەردى ماراپاتتاۋعا ارنالعان «ءبىزدىڭ ماقساتىمىز ايقىن» اتتى سپورتتىق – پاتريوتتىق باعىتتا اتقارىلعان جۇمىستىڭ قورىتىندى كەشى ءوتتى. كەش تۇزدىباستاۋ اۋىلىنىڭ مادەنيەت ۇيىندە بولدى. 

وعان الماتى وبلىسى اكىمدىگى، وبلىستىق دەنە شىنىقتىرۋ جانە سپورت باسقارماسى، تالعار اۋدانىنىڭ اكىمدىگى، اۋداندىق بۇقارالىق سپورتتى دامىتۋ ورتالىعى، رەسپۋبليكالىق «سپورت جۇلدىزدارى» جۋرنالى، «اash_pridefc» پروموۋشەنى، رەسپۋبليكالىق «ەر – نامىسى» قوعامدىق بىرلەستىگى ۇلكەن قولداۋ كورسەتتى. اۋدانىمىزدىڭ سپورت مايتالماندارى مەن اۋىل جانە سپورت جاناشىرلارى، سپورت مەكەمەلەرى مەن سپورتشىلار قاتىسقان ۇلكەن ءىس-شاراعا كەلگەن قۇرمەتتى قوناقتار سانى كوپ بولدى. تۇزدىباستاۋ اۋىلىنىڭ تۇرعىندارى مەن اۋىل جاستارى جانە دە اۋدان حالقى ءبىر رۋحتانىپ سەرپىنىس العاندىعى بايقالدى.

اتقارىلعان جۇمىستىڭ قورتىندى كەشىنە اۋدانىمىزدىڭ ابىرويىن اسقاقتاتىپ، كوك تۋىمىزدى كوككە كوتەرىپ جۇرگەن بۇگىنگى كۇن باتىرلارى ەڭ ۇزدىك سپورتشىلاردى ماراتتاۋ سالتاناتىنا تالعار اۋدانى اكىمىنىڭ ورىنباسارى ەرمەك ماڭعاز ۇلى قاتىسىپ، ءسوز سويلەدى.

قۇرمەتتى سپورت سۇيەر قاۋىم! حالىق دانالىعىندا «ءتانى ساۋدىڭ- جانى ساۋ» دەپ تەگىن ايتىلماسا كەرەك. سالاۋاتتى ءومىر سالتىن، دەنە شىنىقتىرۋ مەن سپورتتى دامىتۋ ەلىمىزدەگى ماڭىزدى مىندەتتەردىڭ ءبىرى. ءبىزدىڭ اۋدانىمىزدا دا بۇقارالىق سپورتتى دامىتۋعا ەرەكشە ءمان بەرىلىپ، سپورت كەشەندەرىنىڭ جۇيەسى كەڭەيە تۇسۋدە. مەكتەپتەر مەن سپورت ۇيىرمەلەرىندە دەنە شىنىقتىرۋ مەن سپورتپەن شۇعىلدانۋشىلار سانى كوبەيىپ كەلەدى. بۇگىندە ءبىزدىڭ سپورتشىلار تالعار اۋدانىنىڭ سپورتتىق ايبىنىن لايىقتى تۇردە قورعاۋدا. وزدەرىنىڭ بەلسەندىلىگىمەن جانە جاقسى ناتيجەلەرىمەن ەلىمىزدىڭ بەدەلىن الەمدىك ارەنادا جوعارى كوتەرۋگە ىقپال ەتۋدە. ءبىزدىڭ اۋدان ءوزىنىڭ سپورتتىق تاريحىمەن جانە ءوزىنىڭ تاماشا داستۇرلەرىمەن ماقتانادى. ومىرىمىزدە سالماقتى ناتيجەلەرمەن جەڭىستەرگە جەتكەن ءتۇرلى سپورتتىق جارىستاردىڭ اتاقتى چەمپيوندارىمەن جۇلدەگەرلەرىنىڭ تۇتاس توبى تاربيەلەنگەن. جاتتىقتىرۋشىلار مەن سپورتشىلار الداعى ۋاقىتتا دا ءبىزدىڭ اۋداننىڭ دەڭگەيىن اسىرىپ، داڭقىن شىعاراتىن لايىقتى سپورتشىلاردى تاربيەلەۋ ءۇشىن وزدەرىنىڭ شەبەرلىكتەرى مەن تاجىريبەلەرىن جۇمساي بەرەدى دەپ سەنەمىن. بۇگىنگى سپورتتىق — پاتريوتتىق باعىتتاعى «ءبىزدىڭ ماقساتىمىز ايقىن!» اتتى قورتىندى كەشىمىزگە قوش كەلدىڭىزدەر! دەندەرىڭىزگە ساۋلىق تىلەيمىن! قازاق ەلىنىڭ سپورت سالاسىنداعى جەتىستىكتەرى مەن تابىستارى ارتا بەرسىن!»، دەدى ەرمەك ماڭعاز ۇلى.

ءارى قاراي ءسوز كەزەگى الماتى وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى نۇرباقىت تەڭىزباەۆقا بەرىلدى.

«قۇرمەتتى ءىس-شاراعا قاتىسۋشىلار تالعار اۋدانىندا بۇگىنگى كۇنى كوپتەگەن سپورتتان جاقسى جەتىستىكتەر بار. وزدەرىڭىز جاقسى بىلەسىزدەر، تالعار اۋدانىندا مەملەكەت باسشىسىنىڭ تاپسىرماسى بويىنشا ۇلكەن دەنە شىنىقتىرۋ ساۋىقتىرۋ كەشەنى اشىلعان بولاتىن. بۇگىن تالعار اۋدانىمىزدا ءتورت سپورت مەكتەبى جۇمىس ىستەپ جاتىر. ونىڭ ءبىرى — قىسقى سپورت ءتۇرى، ۆەلوسيپەد سپورت تۇرلەرىنەن، ونىمەن قوسا ەكى سپورت مەكتەبىمىز جاقسى كورسەتكىشپەن جۇمىس ىستەۋدە.

جاقىندا وسى اۋدانعا كەلگەن كەزدە تۇرسىنعالي ەدىلوۆ اعامىزدىڭ جارىسىنىڭ اشىلۋ سالتاناتىنا قاتىسقاندا بۇقارالىق ءىس-شارالاردى وتكىزۋ ماقساتىندا تالعاردىڭ اكىمدىگى ۇيىمداستىرعان ۇلكەن ءىس-شارانىڭ كۋاگەرى بولعانبىز. سونىڭ مىنە جالعاسىن تاۋىپ، بۇگىن تۇزدىباستاۋ اۋىلىندا وسى اۋدانىمىزدان شىققان مىقتى سپورتشىلارىمىزعا، ارداگەرلەرىمىزگە قۇرمەت كورسەتىپ، بۇل سپورتشىلار تەك قانا اۋدانىمىزدا، وبلىسىمىزدا عانا ەمەس، ەلىمىزدىڭ نامىسىن قورعاعان، سولاردىڭ ەڭبەگىن باعالاپ وسىعان وراي ۇلكەن ماراپاتتاۋ كەشىنە كەلىپ وتىرمىز. وسى جەردە كوپتەگەن باپكەرلەر، سپورت سالاسىنىڭ قىزمەتكەرلەرى، ارداگەرلەرى، باسشىلارى، سولارعا جانكۇيەر بولىپ جۇرگەن ازاماتتار، اتا-انالار بار. بارشالارىڭىزدى وسى ءىس-شارانىڭ اشىلۋىمەن شىن جۇرەكتەن قۇتتىقتايمىن! ەلىمىزدىڭ نامىسىن قورعايتىن مىقتى سپورتشىلار شىعا بەرسىن. پرەزيدەنتىمىز وسى بۇقارالىق سپورتتى دامىتۋ ماقساتىندا سالاۋاتتى ءومىر سالتىن ۇستاناتىن ءبىزدىڭ حالقىمىزدىڭ ەلۋ پايىزىنا دەيىن حالىق سانىنىڭ جەتۋى وسىنداي تاپسىرما بەرىلگەن بولاتىن. ءجاسوسپىرىم بالالار مەن قىزداردىڭ سپورتپەن تەگىن اينالىسۋىنا ۇلكەن مۇمكىندىكتەر تۋعىزۋ ماقساتىندا كوپتەگەن تاپسىرمالار بەرىلگەن بولاتىن. ونىڭ ءبىرى قازىرگى كۇنى ورىندالىپ جاتىر. وسى تۇزدىباستاۋ، بەساعاش تالعاردىڭ جان-جاعىنداعى اۋىلداردا قازىر سپورت كەشەنىن سالۋعا سۇرانىس بەرىلگەن بولاتىن. بۇنى ءبىز الداعى ۋاقىتتا قارايمىز، — دەدى نۇرباقىت مولداحمەت ۇلى.

سپورتتىق پاتريوتتىق باعىت ەلىمىزدىڭ كوپتەگەن وڭىرلەرىندە رەسپۋبليكالىق دەڭگەيدە «ەر-نامىسى» قوعامدىق بىرلەستىگىنىڭ فيليالدارى اشىلىپ، سول وڭىرلەردەگى سپورت جاناشىرلارى سپورتتى دامىتۋعا ۇلكەن ۇلەستەرىن قوسىپ جاتىر. تالعار اۋدانىنىڭ سپورت جاناشىرلارى دا شەت قالعان جوق.

«سپورت ارداگەرى – 2022» نوميناتسياسى بويىنشا 3 جەڭىمپاز، «سپورتقا جاناشىر اۋىل اكىم – 2022» نوميناتسياسى 2 جەڭىمپاز، «سپورتقا جاناشىر مەكتەپ ديرەكتورى – 2022» نوميناتسياسى 4 جەڭىمپاز، «ۇزدىك اتبەگى – 2022» نوميناتسياسى بويىنشا 1 جەڭىمپاز ماراپاتتالدى.

«سپورت ارداگەرى– 2022» نوميناتسياسىنىڭ جەڭىمپازى ماتان بەكبوسىنوۆ اتاندى. ماتان اعامىز گرەك – ريم كۇرەسىنەن قازاقستان رەسپۋبيكاسىنىڭ ەڭبەگىن سىڭىرگەن جاتتىقتىرۋشى، تالعار اۋدانىنىڭ قۇرمەتتى ازاماتى، گرەك – ريم كۇرەسىنەن كسرو سپورت شەبەرى، تالعار اۋدانى ارداگەرلەر كەڭەسىنىڭ توراعاسى. سونىمەن بىرگە، حادجيمۋرات يبراگيم اعامىز تالعار اۋدانىندا فۋتبولدىڭ نەگىزىن قالاۋشى. تاعى ءبىر جەڭىمپازىمىز سەرگەي ميحايلوۆ ارمرەستلينگتەن قازاقستان رەسپۋبيكاسىنىڭ ەڭبەگىن سىڭىرگەن جاتتىقتىرۋشى. تالعار اۋدانىنىڭ نەگىزىن قالاۋشى، تالعار اۋدانىنىڭ قۇرمەتتى ازاماتى.

«سپورتقا جاناشىر اۋىل اكىم – 2022» نوميناتسياسىنىڭ جەڭىمپازى نۇرا اۋىلدىق وكرۋگىنىڭ اكىمى دانيار كۇنگەي بولدى. دانياردىڭ جەتەكشىلىگىمەن نۇرا اۋىلدىق وكرۋگىنىڭ سپورتشىلارى ءىرى تابىستارعا جەتتى. كەلەسى كەزەكتە بەلبۇلاق اۋىلدىق وكرۋگىنىڭ اكىمى نۇربول يناقىن ۇلىنا بەرىلدى. نۇربول يناقىن ۇلى جەتەكشىلىگىمەن بەلبۇلاق اۋىلدىق وكرۋگىنىڭ تۇرعىندارىنىڭ اراسىندا اي سايىنعى فۋتبولدان، ەركىن كۇرەستەن، بوكستان جارىستان ۇيىمداستىرىلىپ وتىرادى. اۋىلدا بۇقارالىق سپورت قارقىندى دامىتىپ كەلەدى.

«سپورتقا جاناشىر مەكتەپ ديرەكتورى – 2022» نوميناتسياسىنىڭ جەڭىمپازى بولىپ ايدار قونىراتوۆ اتاندى. از عانا ۋاقىت ىشىندە ءوزى باسقارىپ وتىرعان  مەكتەپتى ەڭ الدىڭعى ورىنعا شىعارعان. كەلەسى مەكتەپ ديرەكتورى ءاليا دۇيسەن تۋعان اۋىلىنا سپورت كەشەنىن سالۋعا ۇيىتقى بولىپ وتىرعان جاناشىر باسشى. سونداي-اق، اجاركۇل قايشىبەكوۆا دا ماراپاتتالادى. اجاركۇل حانىم باسقارىپ وتىرعان مەكتەپ سپورتتا جارقىن جەڭىستەرىمەن بيىل تولاعاي تابىستارعا يە بولدى.

ال «ۇزدىك اتبەگى  – 2022» نوميناتسياسىنىڭ جەڭىمپازى اتاعىن قازبەكوۆ سەرىك الدى.

«ۇزدىك جاتتىقتىرۋشى – 2022» نوميناتسياسى بويىنشا 5 جەڭىمپاز، «ۇزدىك سپورتشى – 2022» نوميناتسياسى بويىنشا 5 جەڭىمپاز مارپاتتالدى.

سونىمەن قاتار، سپورتشىلاردىڭ جاتتىقتىرۋشىلارى دا نازاردان تىس قالعان جوق. باپكەرلەر  نايل مۋساەۆتىڭ شاكىرتتەرى دزيۋدودان ازيا چەمپيوناتىنىڭ جۇلدەگەرى اتانعان. ۆيكتور پارادەەۆ كونكۋردان ازيا چەمپيوناتىنىڭ جۇلدەگەرىن دايىنداعان. تيمۋر تۋلەۆ ۆولەيبولدان جاسوسپىرىمدەر اراسىندا قازاقستان چەمپيوندارىن جانە جاعاجاي ۆولەيبولدان ەل چەمپيوندارىن دايىندادى. ستانيستاۆ ترەتياكوۆ — ۆەلوسپورت شوسسەدەن ەل چەمپيوناتى جۇلدەگەرىنىڭ باپكەرى. اننا حرامۋشينا بياتلوننان ازيا چەمپيوناتىنىڭ جۇلدەگەرىن دايىنداعان باپكەر.

«ۇزدىك سپورتشى – 2022» نوميناتسياسىن جالىن نۇرتاي جەڭىپ الدى. ول دزيۋدودان جاسوسپىرىمدەر اراسىندا ازيا چەمپيوناتىنىڭ جۇلدەگەرى. كسەنيا باتالوۆا كونكۋردان جاستار اراسىندا ازيا چەمپيوناتىنىڭ جۇلدەگەرى. داريا پلۋجنيكوۆا مەن الينا وسيپەنكو كاراتەدەن جاسوسپىرىمدەر اراسىندا الەم چەمپيونادارى. اندرەي رەمحە ۆەلوسپورت شوسسەدەن جاستار اراسىندا قازاقستان چەمپيوناتىنىڭ جۇلدەگەرى. ايشا راكيشەۆا شاڭعى سپورتىنان جاستار اراسىندا ەل چەمپيونى.

.«ۇزدىك ادىسكەر — نۇسقاۋشى – 2022» نوميناتسياسى بويىنشا 2 جەڭىمپاز، «ۇزدىك دەنە شىنىقتىرۋ ءپانىنىڭ مۇعالىمى – 2022» نوميناتسياسى 7 جەڭىمپاز، «سپورتقا جاناشىر يمام – 2022» نوميناتسياسى بويىنشا 1 جەڭىمپاز، «ۇزدىك ادىسكەر — نۇسقاۋشى – 2022» نوميناتسياسىنىڭ جەڭىمپازى ماراپاتتالدى.

ساعىندىق قازبولات ۇلى. ول تاجىريبەسى مول ادىسكەر – نۇسقاۋشى. سىرىم ماكەن ۇلى مەن ساعىندىق قازبولات ۇلى تاجىريبەسى مول ادىسكەر – نۇسقاۋشىلار. سپورت نۇسقاۋشىسى بولىپ ىستەپ جۇرگەندەرىنە بيىل 8 جىل تولىپتى. ديدار بولات ۇلىنىڭ باسكەتبولدان قىزدار كومانداسى 1-2 جىلدىڭ ىشىندە وبلىس چەمپيوندارى جانە قازاقستان چەمپيوناتتارىڭ جۇلدەگەرى اتانعان. ءالي جانات ۇلى فۋتبولدان الماتى وبلىسىنىڭ چەمپيونى جانە وبلىستىڭ اتىنان رەسپۋبليكالىق جارىستاردىڭ جۇلدەگەرى. ەركىن تولەۋعازى ۇلىنىڭ جەتەكشىلىگىمەن تالعار اۋدانىنان اسىق اتۋ سپورتىنان ءىV رەسپۋبليكالىق جاسوسپىرىمدەر ويىنىنا قاتىسىپ، ەكىنشى ورىن الدى. وسى جارىستا باعلان قۇتتىعوجا ۇلى اپارعان وقۋشىلار دا كۇمىس جۇلدەنى يەلەندى. ەركىن قادىرباي ۇلى كۇرەستەن 3  دۇركىن قازاقستان چەمپيونىن دايىنداعان باپكەر. 39 جىل تاجىريبەسى بار دەنە شىنىقتىرۋ ءپانىنىڭ مۇعالىمى. دانيار ەربولات ۇلى توعىزقۇمالاقتان دەنە شىنىقتىرۋ ءپانى مۇعالىمدەرى اراسىندا الماتى وبلىسىنىڭ جەڭىمپازى. ۆالەري اناتولەۆيچ جەڭىل اتلەتيكادان كوپتەگەن جەڭىمپازدار مەن جۇلدەگەرلەر دايىنداپ شىعارعان بىلىكتى مامان.

«سپورتقا جاناشىر يمام – 2022» نوميناتسياسىنىڭ جەڭىمپازى اتاعىنا ءبىرجان ءدۇمبىروۆ تە بولدى. جاسى كىشى بولسا دا جۇمىسى مەن سپورتتى بىرگە الا جۇرە بىلگەن بىلىكتى مامان.

№16 مەكتەپتىڭ دەنە شىنىقتىرۋ ءپانىنىڭ مۇعالىمى نۇرجان ءشارىپ ۇلىنىڭ ايتۋىنشا، «ءبىزدىڭ ماقساتىمىز ايقىن!» اتتى ءىس-شارا لايىقتى دەڭگەيدە وتكىزىلدى.

الماتى وبلىسىنىڭ تالعار اۋدانىنداعى سپورتشىلاردى ماراپاتتاۋدى جىل ەسەبى رەتىندە وتكىزدىك. «ەر-نامىسى» قوعامدىق ۇيىم قۇرىپ وتىرمىز. ول بۇكىل سپورت فەدەراتسيالارىنىڭ ۇستىنەن قارايدى. قوعاممەن تازا جۇمىس ىستەۋ باعىتىندا، ونىڭ سىرتىندا ۇزدىك دەنە شىنىقتىرۋ مۇعالىمى، ۇزدىك ديرەكتور دەگەن سياقتى ءوز ورتاسىندا سپورت سالاسىنا ۇلەس قوسىپ جۇرگەن ادامدارعا تابىستادىق، -دەدى دەنەشىنىقتىرۋ مۇعالىمى.

سونىمەن قاتار، تالعار اۋدانىنىڭ جاناشىرلارى مەن مەتسەناتتارى دا ماراپاتتالدى. تالعار اۋدانىنىڭ «ەر-نامىسى» قوعامدىق بىرلەستىگىنىڭ توراعاسى نۇرجان باياحمەت، تالعار اۋدانى جەكپە – جەك سپورت تۇرلەرى فەدەراتسياسىنىڭ پرەزيدەنتى الىشەر ساسىقوۆ، تالعار اۋدانى ۇلتتىق سپورت تۇرلەرى فەدەراتسياسىنىڭ پرەزيدەنتى – نۇربولات كارىم، تالعار اۋدانى ۇلتتىق ات سپورتى تۇرلەرى فەدەراتسياسىنىڭ پرەزيدەنتى اسحات مايدانبەك ۇلى، اۋدانىمىزدان جەڭىل اتلەتيكا تۇرلەرى فەدەراتسياسىنىڭ پرەزيدەنتى راۆيل بولاتجان ۇلى جانە دە تالعار اۋدانى قىسقى جانە ۆەلوسپورت  تۇرلەرى  فەدەراتسياسىنىڭ پرەزيدەنتى – داۋلەت جاقسىلىق، سپورتتىق ويىن تۇرلەرى فەدەراتسياسىنىڭ پرەزيدەنتى بولاتبە امانگەلدى مەن «Talgar Champions»  فۋتبول كلۋبىنىڭ پرەزيدەنتى-  ايان تۇرلىباي ۇلى ماراپاتتالدى.

سونىمەن قاتار، تالعار اۋدانىنىڭ تۋماسى، الاشتىڭ اسىل ەل ازاماتى، رەسپۋبليكالىق «ەر نامىسى» قوعامدىق بىرلەستىگىنىڭ ۆيتسە — پرەزيدەنتى جاندوس ايانبەك مىرزا اۋدانىمىزدان شىققان ازيا جانە الەم، وليمپيادا ويىندارىنىڭ چەمپيوندارى مەن جۇلدەگەرلەرىنەن قۇرالعان «TALGAR CHAMPIONS» سپورتتىق — پاتريوتتىق فۋتبول كومانداسىنىڭ تەگى جازىلعان جەيدەلەرىن سىيلىققا بەردى. فۋتبول كومانداسى قۇرامىندا داۋلەت تۇرلىحانوۆ، مارات ەلەۋسىز ۇلى، نۇرباقىت مولداحمەت ۇلى، دانيار قاسقاراۋوۆ، قايدار ءاليحان ۇلى، ەرجان مۇرات ۇلى، الەكساندر ۆيكتوروۆيچ، نۇركەن قانات ۇلى، قورلان جاقانشا، ەربول كاماليەۆ، جاندوس ايانبەك، فاريدا مامىربەكقىزى،  سۇيىندىك قازبولات ۇلى، نۇرجان ءشارىپحان ۇلى، جاسۇلان بالعاباي ۇلى، باعلان جاقانشا، بولاتبەك امانگەلدى، نۇربولات ساتىمحان ۇلى، ايان تۋرلىبەك ۇلى، ارمان قالىق ۇلى سياقتى ازاماتتار بار.

وسىنداي اۋقىمدى جوبا وبلىسىمىزدىڭ ءار اۋدانىندا جالعاسىن تاۋىپ، جىل سوڭىندا وبلىس ورتالىعى قوناەۆ قالاسىندا قورىتىندى كەشى وتەدى دەپ دوسپارلانىپ وتىر.  مىنە وسىنداي اۋقىمدى سپورتتىق — پاتريوتتىق جوبانىڭ ءبىزدىڭ اۋداندا وتۋىنە ۇيىتقى بولعان جەرلەستەرىمىزگە، اتاپ ايتار بولساق، «سپورت جۇلدىزدارى» رەسپۋبليكالىق جۋرنالىنىڭ شەف — رەداكتورى جاندوس ايانبەك، اۋداندىق بۇحارالىق سپورتتى دامىتۋ ورتالىعىنىڭ ديرەكتورى سۇيىندىك قازبولاتوۆ پەن اۋداندىق «ەر – نامىسى» قوعامدىق بىرلەستىگىنىڭ توراعاسى نۇرجان باياحمەتوۆ مىرزالارعا اۋدان جۇرتى اتىنان العىس ايتامىز. تالعار سپورتى جاساي بەرسىن، دەمەكپىز.

كاۋسار ابدىكەرىم،

فوتو: سەرجان جيرەنباي

الماتى وبلىسى، تالعار اۋدانى