Álemde teńdesi joq fýtbol týrnıri

Qazaqstannyń eńbek sińirgen qaıratkeri, sport jýrnalıstıkasynyń jampozy, álemde teńdesi joq «Bir atanyń balalary fýtbol oınaıdy» atty jobanyń avtory, jazýshy, sport sheberi Nesip Júnisbaıuly Qazaqstan Respýblıkasynyń «Otbasy kúnine» arnalǵan shaǵyn fýtboldan «Bir atanyń balalary oınaıdy» januıalyq respýblıkalyq HH týrnırin «Taraz — Arena » sport saraıynda, Jambyl oblysy ákimdiginiń dene shynyqtyrý jáne sport basqarmasynyń qoldaýymen ótkizdi.

Bul jobanyń ereksheligi, fýtbol komandasynyń quramy bir atadan, áýletten taraǵan týys-baýyrlardan turady, atalary bas bolyp nemerelerimen birge oınaıdy.

«Otan, otbasynan bastalady» dep beker aıtpaımyz, ár otbasynyń, ár áýlettiń jigitteri bir komanda bolyp, judyryqtaı jumylyp, fýtbol oınasa, salaýatty ómir saltyn ustansa, tatý, baýyrmashyl, bir birine meırimdi bolsa, keremet emes pe!

Tarazda shaǵyn fýtboldan «Bir atanyń balalary fýtbol oınaıdy» HH respýblıkalyq, 33 otbasylyq komandalar qatysqan týrnırdiń nátıjesinde birinshi oryndy Muhtar ata komandasy jeńip aldy (500 myń teńge.) Ekinshi oryndy Bazarbaevtar áýleti  (300 myń teńge) ıelendi. Úshinshi orynǵa Joldas áýleti (200myń teńge) ıe boldy. Tórtinshi orynǵa Myrzabekovtar januıalyq komandasy taban tiredi. Komandalardyń barlyǵy Túrkistan oblysynan.

Týrnırdiń eń jas oıynshysy Myrzashevtar áýletinen Nurǵısa Muhamedjan atandy.

Ardager fýtbolshy Ázimbek Tleshev  (Keıki Batyr áýleti) boldy.

Úzdik qaqpashy ataǵyn Marat Týǵanbaev  (Máýlenovter otbasy) jeńip aldy.

«Surmergen» nomınaııasyn Erkebulan Nurtasuly (Joldas áýleti) ıelendi.

Úzdik shabýylshy týrnır jeńimpazy Muhtar ata komandasynan Muhtar Raıymbek  atandy.

Jeńisteriń qutty bolsyn qurmetti aǵaıyn-baýyrlar!

Osyndaı, álemde teńdesi joq jobany iske asyryp jatqan aqtańger, ultjandy tulǵa – Nesip Júnisbaıulyna alǵys aıtamyz!

Jambyl oblysynyń Qurmetti azamaty

Qasymhan TО́LENDIEV