Borodıýk: «Rýmynııaǵa qarsy jańa taktıkamen oınaımyz»

Qazannyń 5-inen 6-syna qaraǵan túni Qazaqstan ulttyq quramasy 2018 jylǵy álem chempıonatynyń irikteý kezeńi aıasynda syrt alańda Rýmynııa komandasymen kezdesedi. Búgin osyǵan oraı ulttyq quramamyzdyń bas jattyqtyrýshysy Aleksandr Borodıýk pen shabýylshy Sergeı Hıjnıchenkonyń qatysýymen baspasóz máslıhaty ótti.

Sergeı Hıjnıchenko:

— Biz úshin mańyzdy match. Ulttyq qurama úshin janymyzdy salamyz. Jankúıerlerimizdi qýantqymyz keledi. Rýmynııada jańa bapker, quramalaryna jańa oıynshylar qosyldy. Biraq bul biz alańdaıtyn nárse emes. Jaqsy nátıje kerek ekeni túsinikti. Rýmynııa jaqsy komanda, óz alańynda jaqsy oınaıdy. Biz de aıanyp qalmaımyz, jaqsy oınaýǵa tyrysatyn bolamyz.

Aleksandr Borodıýk:
— Eki komandanyń da ózderinshe dáleldeıtin nárseleri bar. Rýmynııada jańa bapker. Bul onyń alǵashqy oıyny. Sol sebepti ol úshin Qazaqstanmen oıyn  mańyzdy. Qyzyq oıyn bolady dep oılaımyn.

KSRO kezinde Rýmynııaǵa qarsy oınadym. Sol oıyndar esimde jaqsy qalypty. Ol kezde myqty qurama bolatyn. Qazir de bul elde jaqsy oıynshylar kóp. Sondyqtan eki jaq ta ózderin barynsha kórsetetin bolady.

Bizdiń birneshe oıynshymyz jaraqattaryna baılanysty oınaı almaıdy. Biraq fýtbolda aýyspaıtyn oıynshylar bolmaıdy. Bir jaǵynan basqalarǵa ózderin kórsetýge jaqsy múmkindik  bolady. Osy múmkindikti tıimdi paıdalansa jaqsy. О́zderin kórsetip, negizgi quramnyń oıynshylaryna aınalýǵa tyrysýlary kerek. Tek ózderi úshin emes óz elderi úshin oınaýlary kerek.

Chempıonattaǵy týrdan keıin ulttyq quramada daıyndyqqa, oıyn fılosofııasyn sińirýge 5-6 kún kerek. Sol jaǵynan kemshiligimiz bar. Biraq barynsha daıyndaldyq.

Rýmynııa quramasynda jańa jattyqtyrýshy, onyń ne josparlap otyrǵanyn bilmeımiz. Olarda da ózgerister bolatyn sııaqty. Qaýipti oıynshylary kóp, ár pozıııada myqty oıynshylary bar.

Erteń ózgeshe taktıkamen oınaımyz. Taktıkalyq shemamyz ázir, tosynsyı jasaýǵa daıynbyz.

Arshat ORAZ

Foto: Ilııas OMAROV,

Býdapesht (Rýmynııa)