• Қазақ
  •   
  • Qazaq
  •   
  • قازاق
  •   
  • Рус
  •   

    Жетісу облысында заманауи шаңғы-биатлон кешені салынады

    Жетісу облысында қазіргі заманғы шаңғы–биатлон кешені салынады. Бұл туралы Ппарламент Сенаты депутаттарының сауалына премьер-министр Әлихан Смайыловтың жауабында айтылған.

    «Қазіргі уақытта Жетісу облысында 25 балалар-жасөспірімдер спорт мектебі (бұдан әрі – БЖСМ) бар. Онда 22 533 адам оқиды. Оның ішінде шаңғы жарысымен 121 оқушы айналысады. Олармен 6 жаттықтырушы жұмыс істейді. Алакөл және Сарқан аудандарында Жетісу облысы әкімдігінің дене шынықтыру және спорт басқармасының қысқы спорт түрлерін дамыту бойынша БЖСМ жұмыс істейді», — деді Әлихан Смайылов.

    Оның айтуынша, биыл Сарқан ауданының Черкас ауылдық округінде шаңғы спортын дамыту үшін «Аманат» ЖШС қаражаты есебінен 800 және 200 метр бугель көтергіштері (тау шаңғышылары мен сноубордшыларды тауға сүйреуге арналған жабдық) бар «Теректі шаңғы базасы» салынып, пайдалануға берілді. Демеушілік қаражат сомасы 120 млн теңге болды.

    «Мемлекет басшысының 2022 жылғы 20 қазандағы Жетісу облысына жұмыс сапары барысында берген тапсырмасын іске асыру үшін өңір әкімдігі болжамды біржолғы өткізу қабілеті 250-300 адам және жалпы құны шамамен 20 млрд теңге болатын қазіргі заманғы шаңғы – биатлон кешенін салу үшін 20-25 гектар жер бөлу мәселесін пысықтауда. Сарқан ауданы мен Текелі қаласы қысқы спорт түрлерін дамытуға неғұрлым қолайлы аймақ болғанына байланысты құрылыс салуға жер учаскесін таңдау және бөлу үшін Жетісу облысы әкімдігінің салалық басқармаларының өкілдерінен комиссия құру жоспарланған. Кешенде шаңғы жарысы, биатлон, сноуборд, фристайл могул және акробатика сияқты қысқы спорт түрлерін дамыту көзделеді. Кешеннің құрылысы 2024-2027 жылдарға арналған республикалық және жергілікті бюджеттер қаражаты есебінен болжанады», — деді Үкімет басшысы.

     

    Дастан КЕНЖАЛИН

    Пікір жазу

    Your email address will not be published. Required fields are marked *

    *