Jas tennısshi Robert Kamınskıı úshinshi ret jeńimpaz atandy

Robert Kamınskıı Lıtvanyń astanasy Vılnıýs qalasynda 12 jasqa deıingiler arasynda ótken ekinshi sanattaǵy Tennis Europe týrnırinde jeńimpaz atandy.

Qazaqstan tennıs federaııasynyń habarlaýynsha, elimizdiń jas tennısshisi fınalda Polshanyń osy jastaǵy birinshi raketkasy Ian Paradovskıımen kezdesti.

Almaty tennıs mektebiniń túlegi qarsylasyn 6:4, 6:4 esebimen tize búktirdi. Jarys barysynda Robert birde-bir sette utylǵan joq.

Juptyq synda R.Kamınskıı lıtvalyq Mark Tversıımen birge fınalda tartysty básekede Belarýs ókilderi Koran – Svıtlovqa ese jiberdi. Esep – 6:1, 4:6, 5:10.

Robert Kamınskıı úshin bıylǵy jyl tabysty boldy. Ol osymen Tennis Europe serııasy boıynsha jekeleı synda úshinshi tıtýlyn jeńip aldy. Bıylǵy maýsymda Amal Sultanbekovtiń shákirti 30 match ótkizip, sonyń 26-synda jeńiske jetti.

Dastan KENJALIN,

ASTANA