قازاق كۇرەسىنەن الەم چەمپيوناتى باستالدى

ەرتەڭ بەلارۋستىڭ استاناسى مينسك قالاسىندا قازاق كۇرەسىنەن VII الەم چەمپيوناتى جالاۋىن كوتەرەدى. ۇلتتىق كۇرەسىمىزدەن ەڭ العاشقى الەمدىك دودا 2006 جىلى الماتى قالاسىندا وتكەن ەكەن. سودان بەرى قازاق كۇرەسىنەن əلەم چەمپيوناتى ۇزبەي وتكىزىلىپ كەلە جاتىر.

مينسك قالاسى ءبىزدىڭ پالۋاندارىمىزعا بوتەن ەمەس. 2013 جىلدىڭ جەلتوقسان ايىندا وسى جەردە قازاق كۇرەسىنەن IV الەم چەمپيوناتى وتكەن ەدى. ول جولى دۇنيەجۇزىنىڭ 44 ەلىنەن كەلگەن سپورتشىلار 5 سالماق دارەجەسىندە سىنعا ءتۇسىپ، بارلىق 5 سالماقتا ءوز پالۋاندارىمىز ۇزدىك شىقتى. اتاپ ايتار بولساق ابزال ارىستانبەكوۆ (60 كگ)، ەرلان ەستەك (70 كگ)، ەرسىن مۇحامەدجانوۆ (80 كگ)، مۇحيت تۇرسىنوۆ (90 كگ) جانە ايبەك نۇعىماروۆ (+90 كگ) سەكىلدى باتىرلارىمىز الەم چەمپيونى اتانىپ، ەل مەرەيىن اسىردى.سونداي-اق، سول سىننان ەل قورجىنىنا 1 كۇمىس پەن 3 قولا جۇلدە تۇسكەن بولاتىن.

ەرتەڭ تۇڭعىش رەت قازاق كۇرەسىنەن ەرلەرمەن قاتار ايەلدەر اراسىندا العاشقى الەم چەمپيوندارىنىڭ ەسىمدەرى بەلگىلى بولادى. سول سەبەپتەن پالۋاندارىمىزعا ساتتىلىك تىلەيمىز!

وسى جاڭا مينسك قالاسىنا كەلگەن پالۋاندار مەن كوماندا جەتەكشىلەرىنە ارنالعان وتىرىس بولىپ ءوتتى.
وعان بىرىككەن كۇرەس əلەمى قۇرامىنا كىرەتىن دۇنيەجۇزىلىك ۇلتتىق سپورت تۇرلەرى كوميتەتىنىڭ توراعاسى ۆيلەيتا گينتاۋتاس پەن دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ جəنە بەلارۋس قازاق كۇرەسى فەدەراتسياسىنىڭ پرەزيدەنتى ۆلاديمير گريشەنكوۆتار قاتىسىپ، ەرتەڭگى وتەتىن چەمپيوناتتىڭ رەگلامەنتىمەن تانىستىردى.

دəل قازىر چەمپيوناتقا 26 ەلدەن كوماندا كەلىپ ۇلگەردى. وسىدان ەكى كۇن بۇرىن رەسەي مەن بەلارۋس ەلدەرى اراسىنداعى ترانزيتتىك قاتىناس وزگەرۋىنە بايلانىستى بىرنەشە ەلدىڭ وكىلدەرى مəسكەۋدەن كەرى قايتسا، ەندى ءبىرازى كەشىگىپ جاتىر.

وتىرىستا ەرتەڭگى وتەتىن əلەم چەمپيوناتىن داڭقتى سپورتشى، بەلارۋس قازاق كۇرەسى فەدەراتسياسىنىڭ قۇرمەتتى پرەزيدەنتى الەكساندر مەدۆەدتىڭ 80 جاسقا تولعان قۇرمەتىنە ارنايتىن بولىپ شەشىم قابىلداندى.

مۇساعالي تاسقاليەۆ
«سپورت جۇلدىزدارى» جۋرنالىنىڭ باس رەداكتورى.

ارنايى www.sportpress.kz ءۇشىن

مينسك (بەلارۋس)