SportPress.kz Qazaqstan sport jańalyqtary
Erteń Belarýstiń astanasy Mınsk qalasynda qazaq kúresinen VII álem chempıonaty jalaýyn kóteredi. Ulttyq kúresimizden eń alǵashqy álemdik doda 2006 jyly Almaty qalasynda ótken eken. Sodan beri qazaq kúresinen əlem chempıonaty úzbeı ótkizilip kele jatyr.
Mınsk qalasy bizdiń palýandarymyzǵa bóten emes. 2013 jyldyń jeltoqsan aıynda osy jerde qazaq kúresinen IV álem chempıonaty ótken edi. Ol joly dúnıejúziniń 44 elinen kelgen sportshylar 5 salmaq dárejesinde synǵa túsip, barlyq 5 salmaqta óz palýandarymyz úzdik shyqty. Atap aıtar bolsaq Abzal Arystanbekov (60 kg), Erlan Estek (70 kg), Ersin Muhamedjanov (80 kg), Muhıt Tursynov (90 kg) jáne Aıbek Nuǵymarov (+90 kg) sekildi batyrlarymyz álem chempıony atanyp, el mereıin asyrdy.Sondaı-aq, sol synnan el qorjynyna 1 kúmis pen 3 qola júlde túsken bolatyn.
Erteń tuńǵysh ret qazaq kúresinen erlermen qatar áıelder arasynda alǵashqy álem chempıondarynyń esimderi belgili bolady. Sol sebepten palýandarymyzǵa sáttilik tileımiz!
Osy jańa Mınsk qalasyna kelgen palýandar men komanda jetekshilerine arnalǵan otyrys bolyp ótti.
Oǵan Birikken kúres əlemi quramyna kiretin dúnıejúzilik ulttyq sport túrleri komıtetiniń tóraǵasy Vıleıta Gıntaýtas pen dúnıejúzilik qazaq kúresi federaııasynyń prezıdenti Serik Tókeev jəne Belarýs qazaq kúresi federaııasynyń prezıdenti Vladımır Grıshenkovtar qatysyp, erteńgi ótetin chempıonattyń reglamentimen tanystyrdy.
Dəl qazir chempıonatqa 26 elden komanda kelip úlgerdi. Osydan eki kún buryn Reseı men Belarýs elderi arasyndaǵy tranzıttik qatynas ózgerýine baılanysty birneshe eldiń ókilderi Məskeýden keri qaıtsa, endi birazy keshigip jatyr.
Otyrysta erteńgi ótetin əlem chempıonatyn dańqty sportshy, Belarýs qazaq kúresi federaııasynyń qurmetti prezıdenti Aleksandr Medvedtiń 80 jasqa tolǵan qurmetine arnaıtyn bolyp sheshim qabyldandy.
Musaǵalı Tasqalıev
«Sport juldyzdary» jýrnalynyń bas redaktory.
Arnaıy www.sportpress.kz úshin
Mınsk (Belarýs)
