«التىن دوپ» يەگەرى ءوز ەلىنىڭ پرەزيدەنتى بولىپ سايلاندى

1995 جىلى الەمنىڭ ەڭ ۇزدىك فۋتبولشىسى رەتىندە «التىن دوپ» سىيلىعىنا يە بولعان دجوردج ۆەا ليبەريا رەسپۋبليكاسىنىڭ جاڭا پرەزيدەنتى بولىپ سايلاندى. بۇل تۋرالى eurosport.ru حابارلادى.

ليبەريا ەلىندە پرەزيدەنت سايلاۋى سەيسەنبى كۇنى وتكەن بولاتىن. وعان حالىقارالىق ماماندار دا ات سالىسقان. مالىمەتتەرگە سايكەس، 2،1 ميلليوننان استام داۋىس بەرگەنى انىقتالدى. ناتيجەسىندە، 51 جاستاعى دجوردج ۆەا جەڭىسكە جەتتى. ونىڭ رەسپۋبليكانىڭ قازىرگى ۆيتسە-پرەزيدەنتى دجوزەف بوكايدان اسىپ تۇسكەنى انىقتالدى. وسىلايشا، دجوردج ۆەا مەملەكەت باسشىسى قىزمەتىندەگى ەلەن دجونسون-سەرليفتى اۋىستىراتىن بولدى. وسىعان دەيىن دجوردج ۆەا 2005 جىلى دا پرەزيدەنتىك سايلاۋعا تۇسكەن. الايدا ول سايلاۋدا قازىرگى پرەزيدەنت ەلەن دجونسون-سەرليفتەن جەڭىسكە جەتكەن بولاتىن.

دجوردج ۆەا ۇلكەن فۋتبولدا 1981-2003 جىلدار ارالىعىندا شابۋىل شەبىندە ونەر كورسەتكەن. كاسىبي كارەراسىندا «موناكو»، «پاري سەن جەرمەن»، «مارسەل»، «چەلسي»، «مانچەستەر سيتي»، «ميلان» سەكىلدى ۇلكەن كلۋبتاردا ويناعان.

فۋتبولداعى جەتىستىكتەرى دە از ەمەس. يتاليانىڭ ەكى دۇركىن چەمپيونى، فرانتسيا چەمپيونى جانە فرانتسيا كۋبوگىنىڭ ءۇش دۇركىن جەڭىمپزى، انگليا كۋبوگىنىڭ يەگەرى اتانعان. «التىن دوپتان» بولەك 1995 جىلى فيفا-نىڭ ەڭ ۇزدىك فۋتبولشىسى اتانعان. بۇدان بولەك ءۇش مارتە افريكانىڭ ەڭ ۇزدىك فۋتبولشىسى اتاعىنا دا يە بولدى.

كاسىبي كارەراسىن 2003 جىلى اياقتاعانمەن، 2007 جىلى ليبەريا ۇلتتىق قۇراماسى ساپىندا ءبىر ويىن وتكىزگەن. ەڭ سوڭعى كومانداسى «ءال-جازيرا» ء(باا، 201-2003 جىلدار) بولدى. ۇلكەن فۋتبولدان كەتكەننەن كەيىن ساياساتقا بەت بۇرىپ، گۋمانيتارلىق جانە قوعامدىق قىزمەتپەن شۇعىلداندى.