«Altyn dop» ıegeri óz eliniń prezıdenti bolyp saılandy

1995 jyly álemniń eń úzdik fýtbolshysy retinde «Altyn dop» syılyǵyna ıe bolǵan Djordj Vea Lıberııa Respýblıkasynyń jańa prezıdenti bolyp saılandy. Bul týraly eurosport.ru habarlady.

Lıberııa elinde prezıdent saılaýy seısenbi kúni ótken bolatyn. Oǵan halyqaralyq mamandar da at salysqan. Málimetterge sáıkes, 2,1 mıllıonnan astam daýys bergeni anyqtaldy. Nátıjesinde, 51 jastaǵy Djordj Vea jeńiske jetti. Onyń respýblıkanyń qazirgi vıe-prezıdenti Djozef Bokaıdan asyp túskeni anyqtaldy. Osylaısha, Djordj Vea memleket basshysy qyzmetindegi Elen Djonson-Serlıfti aýystyratyn boldy. Osyǵan deıin Djordj Vea 2005 jyly da prezıdentik saılaýǵa túsken. Alaıda ol saılaýda qazirgi prezıdent Elen Djonson-Serlıften jeńiske jetken bolatyn.

Djordj Vea úlken fýtbolda 1981-2003 jyldar aralyǵynda shabýyl shebinde óner kórsetken. Kásibı karerasynda «Monako», «Parı Sen Jermen», «Marsel», «Chelsı», «Manchester Sıtı», «Mılan» sekildi úlken klýbtarda oınaǵan.

Fýtboldaǵy jetistikteri de az emes. Italııanyń eki dúrkin chempıony, Franııa chempıony jáne Franııa kýbogynyń úsh dúrkin jeńimpzy, Anglııa kýbogynyń ıegeri atanǵan. «Altyn doptan» bólek 1995 jyly FIFA-nyń eń úzdik fýtbolshysy atanǵan. Budan bólek úsh márte Afrıkanyń eń úzdik fýtbolshysy ataǵyna da ıe boldy.

Kásibı karerasyn 2003 jyly aıaqtaǵanmen, 2007 jyly Lıberııa ulttyq quramasy sapynda bir oıyn ótkizgen. Eń sońǵy komandasy «Ál-Jazıra» (BAÁ, 201-2003 jyldar) boldy. Úlken fýtboldan ketkennen keıin saıasatqa bet buryp, gýmanıtarlyq jáne qoǵamdyq qyzmetpen shuǵyldandy.