Ербол Хамитов тұңғыш рет парашаңғыдан әлем чемпионы атанды

Швецияның Эстерсунд қаласында парашаңғы мен парабиатлоннан өтіп жатқан әлем чемпионатында тұңғыш рет Қазақстан спортшысы бас жүлдені жеңіп алды.

Мәдениет және спорт министрлігі Спортты дамыту дирекциясының хабарлауынша, Ербол Хамитов парашаңғыдан өткен жарыста мәреге 2 сағат 44,23 минутта жетіп, чемпион атанды. Осы спринт қашықтығында украиналық Тарас Рад мәре сызығын екінші болып қиса, бразилиялық Кристиан Вестмаер Рибейра қола жүлдеге ие болды.

Осылайша, Ербол Хамитов биылғы әлем чемпионатында екінші жүлдесін алды. Ол әлем чемпионатының алғашқы күні парабиатлоннан қола жүлдені жеңіп алған еді.

Дастан КЕНЖАЛИН,

АСТАНА