Australian Open-2023: Rybakına fınalǵa shyqty

Tennısten Avstralııanyń ashyq chempıonatynyń 1/4 fınalynda otandasymyz, Ýımbldon — 2022 týrnıriniń chempıony Elena Rybakına latvııalyq Elena Ostapenkomen kezdesip, ony 6:2, 6:4 esebimen jeńgen soń, jartylaı fınalda álemniń 18-raketkasy, «Úlken dýlyǵa» jarysynyń eki márte jeńimpazy Belarýstiń ókili Vıktorııa Azarenkomen kúsh synasty.

Rybakına men Azarenko osyǵan deıin byltyr AQSh-tyń Indıan-Ýells qalasynda ótken týrnırde kezdesken edi. Sol kezde Rybakına qarsylasyn 6:3, 6:4 esebimen basym túsken bolatyn. Al osy joly Qazaqstan tennısshisi alǵash ret Avstralııanyń ashyq chempıonatynyń jartylaı fınalyna shyǵyp, taǵy da Vıktorııa Azarenkomen kezdesti.

Belarýs tennısshisi Melbýrn korttarynda 2012 jáne 2013 jyldary eki ret jekeleı synda jeńiske jetken. Bıylǵy synda ol qarsylastarynyń bárin joldan shyǵaryp, jartylaı fınalǵa da emin-erkin jetti.

Kezdesý asa tartysty jáne qyzyqty ótip, 2 saǵatqa jýyq ýaqytqa sozyldy. Matchta Rybakına qarsylasyn birinshi partııada 7:6, 6:4 esebimen jeńdi.

Ekinshi jartylaı fınalda taǵy bir Belarýs tennısshisi Arına Sobolenko (5 WTA) fınalǵa shyǵý úshin Polsha ókili Magda Lınetpen (45 WTA) kezdesedi. Sportshylar bir-birimen eki ret oınaǵan. Ekeýinde de Arına Sobolenko jeńgen.

«Australian Open» Melbýrndegi «Melbýrn Park Rod Leıver Arena» stadıonynda bolyp jatyr.

Avstralııanyń ashyq chempıonaty 30 qańtarda óz máresine jetedi.

Dastan KENJALIN,

ASTANA