Parashańǵyshy Erbol Hamıtov álem chempıonatynda úshinshi medalin ıelendi

Parashańǵyshy Erbol Hamıtov álem chempıonatynda parabıatlonnan 12,5 qashyqtyqty 41 mınýt 37,9 sekýndta júrip ótip, márege úshinshi bolyp keldi. Osy nátıjemen ol qola júldege ıe boldy.

Jarysta AQSh sportshysy Aron Paık 41 mınýt 26,8 sekýnd ýaqytta márege birinshi bolyp jetse, Germanııa sportshysy Skot Mınah 41:32,9 ýaqytymen ekinshi oryndy ıelendi.

Buǵan deıin Erbol Hamıtov álem chempıonatynda parabıatlonnan 7,5 qashyqtyqta qola júldege, al sprınt jarysynda altyn medaldi jeńip alǵan bolatyn.

Parashańǵy jáne parabıatlonnan álem chempıonaty Shveııanyń Estersýnd qalasynda bolyp jatyr. Ol 21 kańtar kúni bastalǵan. 29 qańtarda sońǵy jarystary bolady.

Jarysqa 18 memleketten 102 sportshy qatysyp jatyr.

Dastan KENJALIN,

ASTANA