SportPress.kz قازاقستان سپورت جاڭالىقتارى
قازاقستاننىڭ ءبىرىنشى، الەمنىڭ 10-راكەتكاسى ەلەنا رىباكينا تەننيستەن دۋبايدا ءوتىپ جاتقان WTA 1000 ءتۋرنيرىنىڭ ءۇشىنشى اينالىمىنا شىقتى.
رىباكينا ەكىنشى اينالىمدا الەمنىڭ 26-راكەتكاسى، چەحيالىق ماريا بوۋزكوۆامەن كەزدەسىپ، ونى 7:5، 6:2 ەسەبىمەن ۇتتى. بۇعان دەيىن ەكەۋى ءبىر-بىرىمەن ءۇش رەت كەزدەسكەن ەدى. سوندا رىباكينا ءۇش ويىندا دا جەڭگەن بولتىن.
بۇل جولى رىباكينا ماتچتى برەيكپەن باستاعانىمەن، بوۋزكوۆا تارازى باسىن تەڭەستىرە الدى. دەگەنمەن قازاقستاندىق تەننيىسشى تاعى ءبىر برەيك جاساپ، 6:5 ەسەبىمەن العا شىقتى. سوسىن سەتكە دوپ بەرگەندە، ءوز مۇمكىندىگىن جىبەرگەن جوق. ەسەپ — 7:5.
وتانداسىمىز ەكىنشى پارتيانى دا برەيكپەن باستادى. سودان كەيىن تاعى ءبىر ەيس جاساپ، ماتچتى جەڭىسپەن تۇيىندەدى. ەسەپ — 6:2.
ەندى رىباكينا شيرەك فينالعا شىعۋ ءۇشىن الەمنىڭ 6-راكەتكاسى، امەريكالىق كوكو گاۋفپەن كەزدەسەدى. ول ەكىنشى اينالىمدا رەيتينگتە 43-ورىندا تۇرعان بەلارۋس وكىلى الەكساندرا ءساسنوۆيچتى 6:0، 6:4 ەسەبىمەن ۇتتى.
داستان كەنجالين،
استانا
