Rybakına jaraqat alyp qaldy

Tennısshi Dýbaıdaǵy týrnırden shyǵýǵa májbúr boldy

«Ýımbldon» týrnıriniń jeńimpazy jáne Australian Open chempıonatynyń fınalısi, álemniń onynshy raketkasy Elena Rybakına Dýbaıda ótip jatqan WTA 1000 týrnırinen shyǵyp qaldy.

Tennısshi óziniń nege bulaı etkenin Instagram-da aıtty.

О́kinishke qaraı, men belimdegi jaraqatymnyń syr berýine baılanysty Dýbaıdaǵy DDF Tennis Championships týrnıriniń jeke jáne jupty sıpatty jarystarynan shyǵyp ketýge májbúr boldym. Men az ýaqytta qaıta qalpyma kelip úlgeretinime senimdimin. Endi Dýbaıda kelesi jyly ótetin jarysqa taǵy qatysýdy josparlap otyrmyn. Qoldaý kórsetkendirińiz úshin rahmet!», – dep jazypty ol.

Bul týrnırdiń eki aınalymynda jeńiske jetken Elena Rybakına endi álemniń altynshy raketkasy Koko Gaýffpen saıystyń 1/8 fınalynda kezdesýi kerek edi.

Dastan KENJALIN,

ASTANA