Qyzylordalyq voleıbolshylar — el chempıony

12-19 sáýir aralyǵynda Túrkistan qalasynda 1999 — 2000 jyldary týylǵan jasóspirimder arasynda voleıboldan Qazaqstan Respýblıkasynyń kóktemgi chempıonaty ótti. Astana, Almaty qalalary men barlyq oblystardan 16 komanda, 200-den asa sportshy qatysqan dúbirli saıysta jerlesterimiz birinshi oryndy jeńip aldy. Bul týraly QazAqparat HAA tilshisi habarlady. Qyzylorda oblysynyń qurama komandasynyń jeńimpaz atanýyna syrdarııalyqtar Dáýlet Kenjeǵalıev, Dáýlet Rýslanov, Azamat Ordabekov, Muhamedálı Baıtúgelov, Álisher О́teshov, shıelilikter Aıat Ramazanuly, Oljas Saparbaı, Maǵjan Ahantaı, Nurlan Saıyn, jańaqorǵandyqtar Zulfar Mansur, Erbolat Orynhanov, Bekzat Meırambek, Qazalydan Ersultan Ońarbaı syndy voleıbolshylar óz úlesterin qosty.

Komandany jarysqa Bolat Rysmahan jáne О́tepbergen Ábdiramanov daıyndady. Oblystyń jasóspirimder arasyndaǵy aǵa jattyqtyrýshysy Bolat Rysmahannyń aıtýynsha, sportshylar endi maýsym aıynda О́skemen, Hromtaý qalalarynda ótetin Qazaqstan Respýblıkasynyń jazǵy chempıonatyna daıyndalady. Aıta keteıik, jaqynda Túrkistan qalasynda 2000-2004 jyldary týylǵan jasóspirimder arasynda voleıboldan ótken el chempıonatynda qyzylordalyqtar qola júldeni ıelengen bolatyn.

http://www.inform.kz/kz/kyzylordalyk-sportshylar-voleyboldan-otken-el-chempionatynda-birinshi-oryn-ielendi_a3018708