Дзюдошы Данияр Шамшаев күміс жүлдегері атанды

Бүгін дзюдошы Данияр Шамшаев (73 кг дейін) Өзбекстанның астанасы – Ташкент қаласында өтіп жатқан Үлкен дулыға турнирінің күміс жүлдегері атанды. Финалда ол татами иесі Муроджан Юлдошевке есе жіберді.

Шамшаев жартылай финалда швейцариялық Нилл Штамптың жауырынын жерге тигізсе, ширек финалда түркиялық татами шеберінің жолын кесті. Ал іріктеуде француз Аксус Бенджжамин мен қырғыз Шыңғисхан Сагиналиевтің адымын аштырмады.

Кеше 60 келіге дейінгі салмақта Нұрқанат Серікбаев күміс медаль алған.

Шамкен БАЙЫРБЕК,

АСТАНА