Жәнібек Әлімханұлы «Канелоны» қай кезде құлататынын айтты

Орта салмақта WBO чемпионы Жәнібек Әлімханұлы екінші орта дивизионда әлемнің абсолют чемпионы Сауль «Канело» Альвареспен жекпе-жек туралы сұраққа жауап берді.

Ол әлеуметтік желіде: «Канеломен» жекпе-жек қашан?» деп сұраған адамға:

«Канело» туралы сұрақ көп. Онымен кез келген уақытта кездесуге дайынмын. Тактика және техника жағынан да дайынмын. Құдай қаласа, онымен айқас та алыс емес. Жанкүйерлер сияқты мен де ол жекпе-жекті асыға күтемін. Бұйырса, үш раундта құлатамын», — деп жауап берді Әлімханұлы.

Дастан КЕНЖАЛИН,

АСТАНА