فۋتزالدان قازاقستان قۇراماسى ىرىكتەۋ ءتۋرنيرىنىڭ كەلەسى اينالىمىنا شىقتى (ۆيدەو)

فۋتزالدان قازاقستان قۇراماسى الەم چەمپيوناتىنىڭ ەكىنشى ىرىكتەۋ ءتۋرنيرىنىڭ بەسىنشى توبىندا سلوۆەنيا كومانداسىمەن كەزدەسىپ، جارىستىڭ ەليتالىق ساتىسىنا جولداما الدى.

كەزدەسۋ 3:3 ەسەبىمەن اياقتالدى. ماتچتا التەرت اقبالىقوۆ، داۋرەن تۇرساعۇلوۆ پەن تاينان گول سالدى. ءسويتىپ، قازاقستان 10 ۇپاي جيناپ، ءبىرىنشى ورىنمەن اياقتادى.

قازاقستان ەكىنشى ىرىكتەۋ سىنىنداعى العاشقى ويىنىن سلوۆەنيا قۇراماسىمەن وتكىزگەن بولاتىن. بۇل كەزدەسۋدە وتانداستارىمىز قارسىلاستارىن 2:0 ەسەبىمەن جەڭگەن. ودان كەيىن ەل قۇراماسى چەرنوگوريانى 7:0، 5:1 ەسەبىمەن ۇتتى.

ەل قۇراماسى الەم چەمپيوناتىنىڭ فينالدىق ساتىسىندا 2000، 2016، 2021 جىلدارى ويناعان. 2021 جىلى ءتورتىنشى ورىندى يەلەنگەن بولاتىن.

2024 جىلعى الەم چەمپيوناتى وتەتىن ەل ازىرشە انىقتالعان جوق. ول كەلەسى جىلدىڭ قىركۇيەك-قازان ارالىعىندا وتكىزىلەدى دەپ جوسپارلانىپ وتىر.

داستان كەنجالين،

استانا