دزيۋدو: قازاق پالۋاندارى جۇلدە الىپ جاتىر

حورۆاتيانىڭ زاگرەب قالاسىندا دزيۋدودان جاستار اراسىنداعى الەم چەمپيوناتى باستالدى. وعان  83 ەلدەن 500-دەن استام پالۋان قاتىسىپ جاتىر.

بۇگىن، ءدۇبىرلى دودانىڭ العاشقى كۇنى قازاقستاندىق سپورتشىلار دا تاتاميگە شىقتى. سولاردىڭ اراسىندا 44 كيلو سالماقتا ءابيبا ابۋجاقىنوۆا دەگەن قىزىمىز كۇرەسىپ، الەم چەمپيوناتىنىڭ كۇمىس جۇلدەگەرى اتاندى. تاعى ءبىر ەۋروپاعا ەل ءۇمىتىن ارقالاپ بارعان پالۋانىمىز باۋىرجان نارباەۆ 55 كگ سالماقتا قولا مەدالدى جەڭىپ الدى.

بۇل سىندا ءبىزدىڭ ەلدەن 10 جىگىت، 10 قىز كۇرەسىپ جاتىر. كۇرەس، سپورت بولعان سوڭ، جەڭىس پەن جەڭىلىس قاتار جۇرەدى دەگەندەي كەيبىرى چەمپيوناتتىڭ ءبىرىنشى كۇنى جارىس جولىنان شىعىپ قالدى. ەندى ءبىزدىڭ قالعان پالۋاندارىمىز سولاردىڭ ەسەسىن قايتارىپ، جۇلدەلى ورىنداردان كورىنىپ، كوك بايراعىمىزدى بيىككە كوتەرەدى دەپ سەنەمىز.

داستان كەنجالين