SportPress.kz Qazaqstan sport jańalyqtary
Keshe Aqtóbe qalasyndaǵy №4OMBJORM-niń irgetasy qalanǵanyna 50 jyl jəne Aqtóbede erkin kúrestiń negizin qalaýshy Alekseı Semkınniń 80 jasqa tolǵan mereıtoılary bastalyp, týrnır men tóreshiler semınary ótip jatqannyń habarlaǵan bolatynbyz.
Búgin keshkisin mereıtoı «Dəstúr úıi» meıramhanasynda jalǵasyn taýyp, aǵaıyndy Semkınder bastaǵan sport ardagerleri jəne atalǵan mektept pen oblys sportynyń damýyna úles qosqan azamattar marapatqa ıe boldy.
Meıramhanaǵa jınalǵan qonaqtarǵa mektep ómirinen syr shertetin derekti fılm kórsetildi.
«Sport juldyzdary» jýrnalynyń atynan osy mereıtoıdyń uıytqysy bolǵan azamat, mektep dırektory Bolat Eńsepbaevqa «Dene shynyqtyrý men sportty damytýǵa qosqan úlesi úshin» medali tabys etildi.
Elimizdegi patrıottyq baǵyttaǵy birden-bir ənshi-sazger Oryngúl Ysmaǵulova bastaǵan ənshiler mereı toı qurmetine əsem əýennen shashý shashty.
№4 sport mektebinen Olımpıada oıyndaryna qatysqan Baýyrjan Orazǵalıev, Nurıslam Sanaev pen basqalary shyqsa, bıylǵy ótken dúbirli dodadan Meırambek Aınaǵulov oblys tarıhynda grek-rım kúresinen tuńǵysh ret əlem chempıonatynyń kúmis júldegeri atandy.
Buıyrsa mektepten əli talaı chempıondar shyǵatynyna biz senimdimiz.
