لاتۆيانىڭ استاناسى – ريگا قالاسىندا دزيۋدودان ەرلەر مەن ايەلدەر اراسىندا ەۋروپا كۋبوگى مارەسىنە جەتتى، دەپ حابارلادى قازاقستان دزيۋدو فەدەراتسياسىنىڭ ءباسپاسوز قىزمەتى.
فەدەراتسيا ءمالىم ەتكەندەي، 18 – 19 ناۋرىزدا وتكەن جارىس قورىتىندىسىندا ەل قۇراماسى 3 التىن، 2 كۇمىس جانە 2 قولا جۇلدەمەن جالپى مەدال كەستەسىندە كوش باستادى.
فينليانديا قۇراماسى ەكىنشى، ۋكراينا دزيۋدوشىلارى ءۇشىنشى ورىننان كورىندى.
قازاقستاندىقتاردان باقىتجان ابدۋراحمانوۆ (73 كگ)، ايبول ءنىسانالى (81 كگ) جانە ەراسىل قاجىباەۆ (+100 كگ) ءوز سالماق دارەجەلەرى بويىنشا جەڭىمپاز اتانسا، نۇرزات سالىمباەۆ (66 كگ) پەن ەلامان ەرعاليەۆ (+100 كگ) كۇمىس، ەلامان سۇلتانباي (66 كگ) مەن رۋسلان مۇساەۆ (81 كگ) قولا جۇلدەگە يە بولدى.
ايتۋلى دوداعا 24 ەلدەن 200-گە جۋىق سپورتشى قاتىسىپ، باق سىنادى.
داستان كەنجالين