Президент Рыбакинаны жеңісімен құттықтады

Мемлекет басшысы Қасым-Жомарт Тоқаев еліміздің бірінші ракеткасы Елена Рыбакинаны әлемдік турнирдегі жеңісімен құттықтады.

Индиан-Уэллстегі беделді турнирде жарқын жеңіске жеткен Елена Рыбакинаны құттықтаймын! Біздің спортшымыз асқан шеберлігін, жеңіске деген мұқалмас ерік-жігерін және спорттағы жоғары мәдениет үлгісін көрсетті. Елена әлемдегі үздік корттарда жаңа жетістіктерге жете береді деп сенемін! – деп жазды президент Instagram-дағы парақшасына.

Елена Рыбакина Индиан-Уэллс WTA 1000 турнирінің жеңімпазы атанған. Ол финалда әлемнің екінші ракеткасы Беларусь өкілі Арина Соболенкомен кездесіп, оны жеңген болатын.

Теннисші алғаш рет әлемдік рейтингте 7-орынға көтеріліп отыр.

Дастан КЕНЖАЛИН,

АСТАНА

 

View this post on Instagram

 

A post shared by QASYM-JOMART TOQAYEV (@tokayev_online)