قىزىلوردادا توعىزقۇمالاقتان ەل چەمپيوناتى باستالدى

قىزىلوردادا توعىزقۇمالاقتان قازاقستان رەسپۋبليكاسىنىڭ ەرلەر اراسىندا كوماندالىق چەمپيوناتى باستالدى، دەپ حابارلايدى قازاقپارات حاا ءتىلشىسى وبلىستىق دەنە شىنىقتىرۋ جانە سپورت باسقارماسىنا سىلتەمە جاساپ. جارىسقا اقتوبە، باتىس قازاقستان، جامبىل، ماڭعىستاۋ، قوستاناي، پاۆلودار، وڭتۇستىك قازاقستان جانە قىزىلوردا وبلىستارىنان سپورتشىلار قاتىسۋدا. ولاردىڭ ىشىندە 5 حالىقارالىق دارەجەدەگى سپورت شەبەرى، 13 سپورت شەبەرى، 26 سپورت شەبەرىنە ۇمىتكەر سپورتشىلار شەبەرلىك بايقاسۋدا. ەل چەمپيوناتى اينالىم جۇيەسى بويىنشا وتۋدە. جارىستىڭ العاشقى ويىندارىندا پاۆلودار، قىزىلوردا جانە باتىس قازاقستان وبلىستارىنىڭ توعىزقۇمالاقشىلارى ءساتتى ونەر كورسەتۋدە. 23 ساۋىردە چەمپيوناتتىڭ جەڭىمپاز-جۇلدەگەر كوماندالارى انىقتالادى.