SportPress.kz Qazaqstan sport jańalyqtary
Atyraý oblysy, Isataı aýdanynyń ortalyǵy Aqqystaý aýylynda dzıýdo kúresinen Isataı aýdanynyń qurmetti azamaty, eńbek ardageri Baqtyǵalı Ǵubaıdýllındi eske alýǵa arnalǵan 2003-2004 jyldary týǵan jasóspirimder arasynda respýblıkalyq ashyq týrnır bastaldy.
Týrnırge Əzerbaıjan, О́zbekstan, Qyrǵyzstan jəne elimizdiń túkpir túkpirinen kelgen 200-ge jýyq jas palýan 10 salmaq dərejesinde synǵa túsýde.
Dúbirli jobanyń ashylý saltanatyn aýdan əkimi Marat Mýrzıev quttyqtaý sózben ashyp berdi.
Odan keıin týrnırdiń qurmetti qonaǵy, dzıýdo kúresinen qazaqtan shyqqan tuńǵysh əlem chempıony Eldos Smetov pen jazýshy, dramatýrg Razymjan Otarbaevtar qatysýshylarǵa səttilik tiledi.
Respýblıkalyq «Sport juldyzdary» jýrnalynyń bas redaktory, professor Musaǵalı Tasqalıev aýdan ákimi Marat Mýrzıev pen týrnırdi uıymdastyrýshy Abat Baqtyǵalıulyna jýrnalymyz atynan estelik medaldar tabys etti.
Aýdan əkimi Marat Bısenǵalıuly men týrnır ıesi Baqtyǵalı aǵamyzdyń uly Abat Ǵubaıdýllın Eldos Smetov pen QR eńbek sińirgen jattyqtyrýshysy, sambo jəne dzıýdo kúresterinen sheberler arasynda əlem chempıony Amanbaı Qyzdarbaevtarǵa shapan jaýyp qurmet kórsetti.
Osy týrnırdiń qurmetti qonaqtary, Atyraý oblysynda dzıýdo kúresiniń negizin qalaýshylardyń biri Asqar Bakenov pen sheberler arasynda əlem chempıony, sport ardageri Maral Kóshkinovter qatysýshylarǵa kúrestiń ádististerin kórsetti.
Ardager sportshylarǵa da Ǵubaıdýllınder otbasy atynan shapan jabylyp, syı-sııapat usynyldy.
Erteń qazaq kúresinen túıe palýandar saıysy bastalady.
Altyn ǴABITQYZY,
Aqqystaý aýyly
Isataı aýdany
Atyraý oblysy.
