Astanada taǵy bir júlde qory kóp jarys ótedi

23-30 sáýir aralyǵy Astanadaǵy Ulttyq tennıs ortalyǵynda («Beeline Arena») shahmattan erler men áıelder arasynda Kazakhstan Chess Cup ashyq týrnıri ótedi. Oǵan Aleksandr Rahmanov (FIDE), Tamır Nabatı (Izraıl), Tımýr Gareev (AQSh), Vıtalıı Sıvýk (Ýkraına), Denıs Mahnev (Qazaqstan) pen basqa da shahmatshylar qatysady.

Ashyq týrnırge qatysýshylardyń reıtıngi esepke alynbaıdy. Jarysqa jarnasyn tólegen adamdar men eki sanattan tómen emes shahmatshylar jiberiledi. Týrnırge jarnasyz grossmeısterler, áıelder arasyndaǵy grossmeısterler, 2 400 jáne odan joǵary reıtıngi bar shahmatshylar qatysady.

Kazakhstan Chess Cup shahmatshylarǵa myqty qarsylastarymen tikeleı oınaýǵa tamasha múmkindik. Jeńiske jetken nemese teń túsken jaǵdaıda týrnırge qatysýshylar óz reıtıngterin kótera alady.

Bul is-shara Shveıarııa júıesi boıynsha 9 týrda, FIDE erejeleri boıynsha halyqaralyq reıtıngti eskere otyryp ótkiziledi. Ýaqytty basqarý: 90 mınýt, ár qadamǵa 30 sekýnd qosylady, — delingen habarlamada.

Kazakhstan Chess Cup 2023 jylǵy klassıkalyq shahmattan álem chempıonaty aıasynda ótedi.

Týrnırdiń basty seriktesi –Freedom Holding Corp.

Eresekter kýbogyn uıymdastyrýshylar – FIDE Halyqaralyq shahmat federaııasy men Astana

qalasy sport basqarmasynyń qoldaýymen Qazaqstay shahmat federaııasy. Júlde qory – 23

000 000 teńge.

Dastan KENJALIN,

ASTANA