Boks: altynshy kúngi jetistik – eki jeńis

О́zbekstannyń astanasy – Tashkent qalasynda jalaý jelbiretken bokstan álem chempıonatynyń altynshy kúninde rıngke eki qazaq kóterilip, ekeýi de 5:0 esebimen jeńiske jetti. Bul týraly rast.kz habarlady.

Búgin 63,5 kelige deıingi salmaqtaǵylar – 1/8 fınaldyq, al 67, 71 kelige deıingi salmaqtaǵylar 1/16 fınaldyq jekpe-jekter ótkizdi.

Bizdiń eki atlet te kúndizgi sessııada shaıqasty. Ekeýi de Tashkent rıngine birinshi ret shyqty. Sonyń ishinde 67 kelige deıingi salmaqtaǵy Dýlat Bekbaýov rýmynııalyq Andreı Mýstetten, al 71 kelige deıingi salmaqtaǵy komanda kapıtany Aslanbek Shymbergenov Trınıdad jáne Tobago ókili Aaron Prınsten úsh raýndta basym boldy.

Endi eki boksshymyz da 9 mamyr kúni sharshy alańǵa shyǵyp, 1/8 fınaldyq jekpe-jekterge qatysady. Sol joly Dýlat – qytaılyq Fý Mıngkemen, Aslanbek ızraıldik Mıroslav Kapýlermen shırek fınalǵa shyǵý úshin kúsh synasady.

Búgin О́zbekstan quramasy sapynda 63,5 kelige deıingi salmaqta óner kórsetip jatqan qazaq jigiti Rýslan Abdýllaev kezekti jeńisine jetti. Ol ótken joly bizdiń Sanatáli Tóltaevtyń jolyn kesken mavrıkıılik Rıcharno Lýıs Kolındi aıqyn basymdyqpen jeńip shyqty. Osy jerde Rýslannyń budan eki jyl buryn Qazaqstanǵa kelip, ózin qatarǵa qosýdy ótingende, quramanyń sol kezdegi shtaby komandaǵa qabyldaýdan bas tartqany eriksiz eske túsedi. Odan bergi aralyqta bizdiń ózbekstandyq qandasymyz Azııa chempıony atanyp úlgerdi.

Buǵan deıin Qazaqstan quramasy sapynan Talǵat Syrymbetov (60 kg), Sanatáli Tóltaev (63, kg) jáne Aıbek Oralbaı (92 kg) syndy jigitterdiń jarys jolynan shyǵyp qalǵandaryn aıta ketkimiz keledi. О́zbekstan quramasy quramynan keshe birinshi boksshy – Jasýrbek Iýldashov (80 kg) sátsizdikke ushyrady.

Erteń, 7 mamyr, chempıonattyń jetinshi kúni 51, 57, 75 kelige deıingi jáne 92 keliden aýyr salmaqtardaǵy atletter rıngke kóteriledi. Bul sapta bizden Sáken Bıbosynov (51 kg), Serik Temirjanov (57 kg), Nurqanat Raıys (75 kg) jáne Qamshybek Qońqabaev (+92 kg) bar. Bulardyń arasynda Sáken men Nurqanat álem chempıonatyndaǵy birinshi shaıqastaryn 1/16 fınaldan bastaıdy. Al qalǵan ekeýi 1/8 fınaldyq aıqasqa shyǵady.

Atap aıtqanda, bul kúni Sáken – úndistandyq Dıpak Dıpakpen, Serik – venger Roland Verespen, Nurqanat – domınıkandyq Vırgılııa de Los-Santos Delgadomen, al Qamshybek sırııalyq Mohammad Mlaıespen kezdesedi. Bulardyń aldyńǵy úsheýi rıngke kúndizgi sessııada, al Qamshybek keshki sessııada shyǵady. Jarys kúniniń A rıngindegi shymyldyǵyn Sáken óziniń qarsylasymen birge ashyp beredi.

Eger Sáken jeńiske jeter bolsa, Zang Jıamao (Qytaı) – Mehrob Hamıdov (Tájikstan), Serik jeńis tuǵyrynan tabylsa, Del-Reı Saıdel Orta Rodrıges (Kýba) – Hose Lýıs de Los-Santos Felız (Domıınıka), Nurqanat qarsylasynan asyp túsip jatsa, Fahad Alhýrı (BAÁ) – Ýandereı Pereıra (Brazılııa), Qamshybek utyp shyqsa, Bahodır Jalolov (О́zbekstan) – Teremoana Teremoana (Avstralııa) juptarynyń jeńimpazdarymen kelesi aınalymda betpe-bet keledi.

Kúndizgi sessııa shaıqastary – saǵat 14:00-17:00, keshki sessııa saǵat 18:00-21:00 aralyǵynda ótedi.