• Қазақ
  •   
  • Qazaq
  •   
  • قازاق
  •   
  • Рус
  •   

    بەلگىلى مما شەبەرى كاسىپكەرلەرگە الدانىپ قالدى (ۆيدەو)

    بەلگىلى مما شەبەرى، ەرەجەسىز جەكپە-جەكتەن Qazaq اتىمەن تانىلعان قايرات احمەتوۆ Sportnama جوباسىنا سۇحبات بەرىپ، كاسىپكەرلەردىڭ الداپ كەتكەنىن  ايتتى.

    ول ءبىر ادامداردىڭ تەلەفون شالىپ، قىمبات كولىك سىيلايتىندارىن ايتقانىن، بىراق سول اۆتوكولىكتى ءالى كورمەگەنىن جاسىرمادى.

    ماعان تۇنگى 3-تە تەلەفون شالىپ «باۋىرىم، قۇتتى بولسىن، ساعان كولىك سىيلايمىن!»، — دەگەندەر بولدى. بۇل ءبىر ەمەس، ەكى-ءۇش رەت بولدى. مەنىڭ جۇرەگىم دۇرسىلدەپ، مەنىڭ دە كادىمگىدەي ەڭبەگىمدى باعالايتىندار بار ەكەن دەپ، قۋاناتىنمىن. مەنىڭ دە اعا-باۋىرلارىم بار ەكەن عوي دەپ ويلايتىنمىن. سودان كەيىن ءبىر اي وتەدى، ەكى، ءۇش اي وتەدى.

    سوسىن ءوزىڭ دە حابارلاسۋعا ىڭعايسىزداناسىڭ عوي. ۇيالاسىڭ عوي. سونىڭ شەت جاعاسىن بىلەيىن دەسەڭ ولار سول كۇيى جوق بولىىپ كەتەدى.

    ءوزىم تەلەفون شالىپ، سۇراۋعا ۇيالامىن. ءبىر قىزىعى، مۇنداي جاعداي بىرنەشە رەت بولدى، — دەدى ول.

    ودان كەيىن ەرەجەسىز جەكپە-جەك شەبەرى بارىنە ءوز ەڭبەگىممەن جەتىپ كەلە جاتقانىن، ەشكىم وعان كولىك سىيلاۋعا مىندەتتى ەمەس ەكەنىن ايتتى.

    وسى رەتتە قايرات احمەتوۆ دانيار قاسقاراۋوۆ باستاعان ءبىر توپ ءۇي الاتىن كەزدە اقشا جيناپ بەرگەنىن،  ول ءۇيدىڭ جارتى اقشاسىن ءوزى قوسىپ، «اقساي» شاعىن اۋدانىنان ءۇي العانىن اتاپ ءوتتى.

    نەگىزى، وسى ۋاقىتقا دەيىن ماعان ەشكىم مۇنداي سىيلىق جاساماعان. ەشكىمنەن ەشتەڭە سۇراپ كورمەگەمىن. ماعان ەشكىم ەشتەڭە بەرمەگەن. كولىك مىنگىزگەن جوق. ءوزىم ساتىپ الدىم. كرەديتكە الدىم. وسى كۇنگە دەيىن ەشكىمنىڭ الا ءجىبىن اتتامادىم. ەشكىمدى رەنجىكتەن ەمەسپىن. بىرەۋدىڭ الدىندا بىردەڭە سۇراپ بارا المايمىن، — دەدى سپورتشى.

    سونىمەن بىرگە ول سۇحباتتا نانعا اقشاسى بولماعان كەزدەرى بولعانىن، كاسىپكەر باۋىرجان وسپانوۆتان اقشا سۇراۋعا ۇيالعانىن، ال قازىر جەكپە-جەكتەن جاقسى اقشا تاباتىنىن اتاپ كورسەتتى.

     

    داستان كەنجالين،

    استانا

     

    پىكىر جازۋ

    Your email address will not be published. Required fields are marked *

    *