رىباكينانىڭ تابىسى جاريالاندى

قازاقستاننىڭ ءبىرىنشى، الەمنىڭ ءتورتىنشى راكەتكاسى ەلەنا رىباكينانىڭ بيىلعى تابىسى جاريالاندى. ول يتاليانىڭ ريم قالاسىندا وتكەن WTA 1000 ءتۋرنيرىن جەڭىپ العانى ءۇشىن 564 407 اقش دوللارى نەمەسە تەڭگەمەن ەسەپتەگەندە 252 ملن تەڭگە سىياقى الدى.

ال ونىڭ جىل باسىنان بەرگى تابىسى 3 752 354 دوللار (1،6 ملرد تەڭگە) بولدى.

WTA سايتىنىڭ حابارلاۋىنشا، رىباكينا حالىقارالىق تۋرنيرلەرگە قاتىسا باستاعان كەزدەن بەرى  10 ملن 113 مىڭ 312 دوللار ( 4،5 ملرد تەڭگە) تازا تابىس تاپتى.

ەسكە سالا كەتسەك، بۇگىن ەلەنا رىباكينا ريم قالاسىندا وتكەن WTA 1000 ءتۋرنيرىن جەڭىپ العان سوڭ،  ايەلدەردىڭ تەننيس قاۋىمداستىعىنىڭ جاريالاعان تىزىمىندە رەسمي تۇردە الەمنىڭ ءتورتىنشى راكەتكاسى اتاندى.

داستان كەنجالين،

استانا