• Қазақ
  •   
  • Qazaq
  •   
  • قازاق
  •   
  • Рус
  •   

    Hokkeıden ÁCh: Qazaqstan qaqpasyna salynǵan shaıba daýǵa aınaldy (VIDEO)

    Hokkeıden Qazaqstannyń erler qurama komandasy álem chempıonatyndaǵy sońǵy matchyn ótkizdi. Sońǵy oıynda ulttyq quramanyń hokkeıshileri Slovenııa komandasymen kezdesip, 4:3 esebimen utty. Al onyń aldynda Latvııa quramasymen oıynda otandastarymyz 7:0 esebimen jeńilgen bolatyn. Osy matchta Latvııanyń Qazaqstan qaqpasyna salǵan úshinshi shaıbasy daýǵa aınaldy.

    Ekinshi kezeńniń basynda Martınsh Dzıerkals úshinshi shaıbany soqqanda, ol sportsúıer qaýym úshin óte daýly bolyp kóringen. Biraq gol esepteldi. Osy másele týraly hokkeı sarapshysy jáne sýdıa Gınts Zvıedrıtıs Sportacentrs.com portalyna nelikten shaıbanyń eseptelgenin túsindirip berdi.

    Onyń aıtýynsha, Dzıerkals Qazaqstannyń qaqpasyna shaıbany durys baǵyttaı almaı, qaqpashy Andreı Shýtovqa soǵylyp, ony abaısyzda qulatty. Sýdıalar jazbadaǵy epızodty qaıta qarap, shaıba olar ornynan qozǵalmastan buryn qaqpa syzyǵyn kesip ótkenin anyqtady.

    Dzıerkals Qazaqstan quramasy qaqpashysynyń qulaǵanyna, ózimen birge qaqpany ile ketkeni úshin kináli emes. Onyń ústine tóreshiler Dzıerkalsty Qazaqstan quramasynyń qorǵaýshysy Býtenko artqy jaǵynan ustap qalǵan. Sol sebepti, latysh hokkeıshisi qaqpashy Shýtovpen soqtyǵysyp, ony japyra ketti dep eseptedi. Sondyqtan tóreshiler Dzıerkalsqa qarsy oıyn erejesi buzyldy dep eseptedi. Osyndaı jaǵdaıda shaıba qaqpaǵa kirse nemese qaqpa qozǵalyp ketse de goldy sanaý kerek, – dedi Gınts Zvıedrıtıs.

    Onyń pikirinshe, tóreshiler qaqpanyń ornynan qozǵalǵanyna Qazaqstan quramasynyń oıynshysy Býtenko kináli degen sheshimge kelgen. Sol sebepti gol eseptelgen.

    Qazaqstan quramasy bıylǵy álem chempıonatynda 6 match oınap, 4 upaı jınady. Ulttyq qurama býlıtten Norvegııany 4:3 esebimen jeńse, Chehııadan 1:5, Shveıarııadan 0:5, Kanadadan 1:5 esebimen utyldy.

     

    Dastan KENJALIN,

    ASTANA

    Pikir jazý

    Your email address will not be published. Required fields are marked *

    *