تۋرنير ارداقتى ازاماتتى ەسكە الۋعا ارنالدى

وتكەن اپتادا ششۋچە قالاسىنداعى «جاقسى» سپورت كەشەنىندە ءتول كۇرەسىمىزدەن جاسوسپىرىمدەر اراسىندا قازاق كۇرەسىنەن ازيا فەدەراتسياسىنىڭ بۇرىنعى پرەزيدەنتى، ەلىمىزدىڭ قۇرمەتتى سپورت قىزمەتكەرى، قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى مارات ورازباي ۇلى ءشامشىنۇروۆتى ەسكە الۋعا ارنالعان رەسپۋبليكالىق تۋرنير بولىپ ءوتتى، — دەپ حابارلادى اقمولا وبلىسى دەنە شىنىقتىرۋ جانە سپورت باسقارماسىنىڭ ءباسپاسوز حاتشىسى ماحاببات بولشينا.

جارىسقا اتىراۋ، جامبىل، قاراعاندى، قىزىلوردا، پاۆلودار، سولتۇستىك قازاقستان مەن اقمولا وبلىسىنىڭ سپورتشىلارى قاتىستى.

ءتۋرنيردى بۋراباي اۋدانىنىڭ اكىمى قانات قاراۋىلوۆ اشىپ، پالۋاندارعا ساتتىلىك تىلەدى.

قازاق كۇرەسىنەن ازيا فەدەراتسياسىنىڭ ءبىرىنشى ۆيتسە-پرەزيدەنتى ۆيكتور ليم تۋرنير قوناقتارى مەن قاتىسۋشىلارىن قۇتتىقتاپ، ءبىرشاما ازاماتتى «قازاق كۇرەسىن دامىتۋعا سىڭىرگەن ەڭبەگى ءۇشىن» مەدالدارىمەن  ءبىرشاما ازاماتتاردى ماراپاتتادى. ول اقمولا وبلىستىق ءماسليحاتىنىڭ دەپۋتاتى نارتاي ىسقاقوۆ، اقمولا وبلىسى قازاق كۇرەسى فەدەراتسياسىنىڭ پرەزيدەنتى ەربول توقاەۆ، اقمولا وبلىستىق تۋبەركۋلەزگە قارسى ديسپانسەردىڭ باس دارىگەرى، مەديتسينا عىلىمدارىنىڭ دوكتورى، پروفەسسور قاسىمجان تاشمەتوۆ پەن اقمولا وبلىسى دەنە شىنىقتىرۋ جانە سپورت باسقارماسىنىڭ باسشىسى  نادەجدا پاتيۋتكيناعا مەدالدار تاپسىردى. وسى شارادا اقمولا وبلىسىنىڭ اكىمى مالىك مىرزالين دە ۇلتتىق كۇرەسىمىزدى دامىتۋعا ۇلەس قوسىپ جاتقان ازاماتتاردى قۇتتىقتادى. وسىدان كەيىن دۇنيەجۇزىلىك قازاق كۇرەسى فەدەراتسياسىنىڭ «قازاق كۇرەسىنە قوسقان ۇلەسى ءۇشىن» العىس حاتى بۋراباي اۋدانىنىڭ اكىمى قانات قاراۋىلوۆقا دا تابىس ەتىلدى.

مارات ورازباي ۇلىنىڭ دوسى، اقمولا وبلىستىق ءماسليحاتىنىڭ دەپۋتاتى نارتاي جۇماتاي ۇلى ءوز لەبىزىن ءبىلدىردى.

اقمولا وبلىسى قازاق كۇرەسى فەدەراتسياسىنىڭ پرەزيدەنتى ەربول قايرات ۇلى دا تۋرنير قوناقتارى مەن قاتىسۋشىلارىنا ءوز تىلەگىن ءبىلدىرىپ، «اقمولا وبلىسىنداعى قازاق كۇرەسىن دامىتۋعا ۇلەس قوسقانى ءۇشىن» العىس حاتىن «جاقسى» سپورت بازاسىنىڭ ديرەكتورى ەرجان جەتپىسوۆ پەن بۋراباي مادەنيەت ءۇيىنىڭ ديرەكتورى ايسۇلۋ جامانتىقوۆاعا تابىس ەتتى.

تۋرنير مارات اعامىزدىڭ تۋعان-تۋىستارىنىڭ، دوستارىنىڭ جانە ارىپتەستەرىنىڭ ارقاسىندا ءوتتى. ونى ۇلتتىق سپورت ءتۇرىمىز – قازاق كۇرەسىن دامىتۋ جانە دارىپتەۋ ماقساتىندا ۇيىمداستىردى.

قازاق كۇرەسىنەن قازاقستان رەسپۋبليكاسىنىڭ مەملەكەتتىك جاتتىقتىرۋشىسى جەڭىس بيتكوزوۆ جارىستىڭ باس تورەشىسى بولدى.

جارىستا 46 كيلو سالماق دارەجەسىندە التىن جۇلدەنى كوكشەتاۋلىق ءاليحان ورىنباي جەڭىپ الدى. ەكىنشى ورىنعا وڭتۇستىك ءوڭىرى – تاراز قالاسىنىڭ پالۋانى باقنۇر مايكون يە بولدى. ال ءۇشىنشى ورىندى بۋرابايدىڭ تۋماسى ەلنۇر تىلەۋبەرگەنوۆ پەن پاۆلودار قالاسىنىڭ سپورتشىسى الديار قيباش يەلەندى. كەلەسى 51 كگ سالماق دارەجەسىندە پاۆلودارلىق قالىم قۋانىشبەك ءتۋرنيردىڭ جەڭىمپازى اتاندى. ەكىنشى ورىندى ءىلياس بەيىسكەنوۆ السا، قولا جۇلدەنى قاراعاندىلىق ايبار بەكپەردينوۆ پەن پاۆلودار قالاسىنان كەلگەن سپورتشى ءƏدىل ايدارعازين ءبولىستى. 57 كگ سالماقتا دا جاندوس نۇربەك  التىن جۇلدەنى جەڭىپ الدى. كۇمىس جۇلدەگەر بولىپ تاراز قالاسىنىڭ پالۋانى اسلان جارمۇحامبەت اتاندى. ال ءۇشىنشى ورىنداردى سولتۇستىك وڭىرلەردىڭ پالۋاندارى دياس قوجاحمەتوۆ  پەن جاندوس تۇرعىنبەك يەلەندى. كەلەسى 64 كگ سالماقتاعى سپورتشىلار اراسىندا پاۆلودارلىق شالقار تىلەۋعاليەۆ ءتۋرنيردىڭ باس جۇلدەسىن əكەتتى.  قوبىلاندى زىرگەلدينوۆ كۇمىس مەدالدى جەڭىپ السا، ءۇشىنشى ورىندار تارازدىق باقتيار ەسىركەپ پەن  بۋرابايدىڭ پالۋانى نۇرسايىن جاقىپبەكوۆكە بۇيىردى. 72 كگ سالماق دارەجەسىندە مىنا سپورتشىلار جەڭىمپاز بەن جۇلدەگەر اتاندى: ءى – ەرنات بولىسحان (قاراعاندى قالاسى)، ءىى – نۇرلان قىرعىزبەك  (تاراز قالاسى)، ءىىى – ناۋرىزبەن مامىت (قىزىلوردا وبلىسى) جانە ەلامان ساكەنوۆ (سقو). 81 كيلو سالماقتا قىزىلوردادان كەلگەن ايبەرگەن الدابەرگەننىڭ باعى جانىپ، التىن جۇلدەنى ءوز قورجىنىنا نىق سالدى. ال كوكشەلىك ماعجان قايرىمدەنوۆكە از عانا ساتتىلىك جەتپەي قالىپ، ەكىنشى ورىندى قاناعات تۇتتى. قولا مەدالدارعا تاعى ءبىر بۋرابايدىڭ سپورتشىسى التاير ۇسەنوۆ  پەن قاراعاندىلىق بەكتۇر قولاۋوۆ بەكنۇر يە بولدى. اسا اۋىر سالماقتا، ەلۋان وسپانوۆ تۇيە پالۋان اتانىپ، قۋانتتى. كۇمىس جۇلدەنى تاراز قالاسىنان كەلگەن پالۋان ەردəۋلەت اۋدانبەك ولجالادى. قولا مەدالداردى سولتۇستىك قازاقستان وبلىسىنىڭ تۋماسى دانيال ءومىرتاي مەن قاراعاندىلىق اڭسار امانباەۆ قاناعات تۇتتى. بارلىق جەڭىمپازدار مەن جۇلدەگەرلەردى شىن جۇرەكتەن قۇتتىقتايمىز!!!

سونداي-اق، ءار ءتۇرلى نوميناتسيالاردا دا ماراپاتتاۋلار بولدى. «ۇزدىك تورەشى» نوميناتسياسىنا ۇلتتىق سپورت تۇرلەرىنەن سپورت مەكتەبىنىڭ قازاق كۇرەسىنەن جاتتىقتىرۋشىسى، وسى جارىستىڭ باس حاتشىسى بولعان نايل كوۆالەۆ لايىق دەپ تانىلدى. ال «ۇزدىك تەحنيكاسى ءۇشىن» نوميناتسياسىندا 57 كيلو سالماق دارەجەسىندە ءبىرىنشى ورىندى جەڭىپ العان پالۋان جاندوس نۇربەك تاعى ءبىر ماراپاتقا يە بولدى.

وسى تۋرنير جاستار ءۇشىن ءوز ونەرىن رەسمي دەڭگەيدە كورسەتۋگە، ءوز كۇشىن تارازىعا سالىپ، ءالى تالاي رەت كىلەم ورتاسىندا كەزدەسەتىن قارسىلاستارىنىڭ ناقتى كۇش-جىگەرىنە باعا بەرۋ ءۇشىن ۇلكەن مۇمكىندىك بولدى. ال تاجىريبەلى پالۋاندارعا كەلەر بولساق، ولاردىڭ ماقساتى مۇلدەم باسقا – ءوز قورجىنىنا تاعى ءبىر جاڭا مەدال سالۋ.