اسەم ورىنباي مەن ەدۋارد ەششەنكو الەم كۋبوگىنىڭ كۇمىس جۇلدەگەرى اتاندى

بۇگىن الماتىدا اسەم ورىنباي مەن ەدۋارد ەششەنكو ستەند اتۋدان ءوتىپ جاتقان الەم كۋبوگى كەزەڭىنىڭ كۇمىس جۇلدەگەرى اتاندى.

مادەنيەت جانە سپورت مينيسترلىگى سپورتتى دامىتۋ ديرەكتسياسىنىڭ حابارلاۋىنشا، سكيت باعدارلاماسىندا ارالاس جۇپتىق سىندا قازاقستان سپورتشىلارى يتاليانىڭ ەكىنشى قۇراماسىنا جول بەردى. بۇل جارىستا تاممارو كاسساندرو مەن كيارا كاينەرو (وليمپيادا چەمپيونى جانە كۇمىس جۇلدەگەرى) سىنعا ءتۇستى. ال قولا مەدال يتاليانىڭ ءبىرىنشى قۇراماسىنا بۇيىردى.

ەسكە سالا كەتسەك، اسەم ورىنباي مەن ەدۋارد ەششەنكو جۇبى بىلتىر حورۆاتيادا وتكەن الەم چەمپيوناتىندا ارالاس جۇپتىق سىندا قولا مەدال جەڭىپ العان.

شامكەن بايىربەك،

استانا