SportPress.kz Qazaqstan sport jańalyqtary
Bokstan Qazaqstan jastar quramasynyń aǵa bapkeri Ǵalym Kenjebaev Vesti.kz portalynyń tilshisine 69 kıloda buǵan deıin kósh bastap turǵan Danııar Eleýsinovtyń eki boks týraly aıtyp berdi.
— Ǵalym Qalıuly, burnaǵy kúni bokstan Qazaqstan quramasynda býyn almasý kezeńi ótip jatyr. 69 keli salmaqta Eleýsinovtyń ornyna qazir eki boksshy úmitker. Onyń biri — Sadrıddın Ahmedov bolsa, ekinshisi Abylaıhan Júsipov. Bul eki boksshy da sizdiń tárbıeńizden ótken. Eki boksshynyń múmkindikteri týraly aıtyp berińizshi. Bul boksshylardyń qaısysy Danııar Eleýsinovtiń ornyn basa alady?
— Rasynda, men bul eki boksymen de eki-eki jyldan jumys istedim. Ekeýinde jaqsy bilemin. Biz olardy jaqsy tárbıelep shyǵardyq dep oılaımyn. Olardyń stılin anyqtap beremiz. Kemshilikterimen jumys isteımiz. Sonymen qatar fızıkalyq jáne psıhologııalyq daıyndyqtarymen jumys istedik.
Sadrıddın Ahmetov eki jyl Qazaqstan jastar quramasynda bolyp, turaqty kórsetkish kórsetip keldi. Biraq keıde ol da babynan aıyrylyp qalǵan kezi boldy. Sol úshin ony da birneshe ýaqyt baqylyp, qalypqa keltirdik.
Abylaıhan Júsipov te quramada eki jyl boldy. Azııa chempıonaty, álem chempıonaty jáne jastar arasyndaǵy Olımpıada oıyndaryn jeńdi. Onyń ekeýi de meniń shákirtterim. Sol úshin naqty mynaý myqty dep, bireýge basymdyq bere almaımy. Olardyń joly endi ǵana túıisip jatyr. Buǵan deıin olar ártúrli jasta jáne ekitúrli salmaqta synǵa túsip júrdi.
Bulardyń árqaısysynyń óziniń artyqshylyqtary men azdy-kemdi kemshilikteri bar. Ahmedov qarsylasyn únemi qyspaqqa alady. Soqqysy da aýyr. Únemi alǵa qaraı umtylady. Osy ýaqytqa deıin ol bulaı judyryqtaspaǵan. Bul stıldi biz oǵan jastar arasynda júrgen kezinde qoıyp berdik. Bul stılmen ol jaqsy judyryqtasady. Biraq keıde dıstanııany sezbeı qalyp, qolyn bos sermip jatady. Osy sekildi basqa kishigirim kemshilikter bar. Endi solarmen jumys isteý kerek.
Al Júsipovtyń mektebi men tehnıkasy myqty. Ol oınap júrip judyryqtasatyn boksshylardyń qatarynan. Onyń stıli Ahmedovdikine múlde uqsamaıdy. Onyń psıhologııasy da myqty. Biraq qazir boks ózgerip keledi. Boksshy qarsylasyn mysyn basyp qoıatyn myqty soqqysy bolýy kerek. Qazir osyǵan de erekshe nazar aýdarylyp otyr. Bir-eki jaqsy soqqy kezdesýdiń taǵdyryn sheship ketýi múmkin.
Degenmen de Abylaıhannyń tehnıkasy tolyqqan. О́zine kóp soqqy darytpaıdy. Jyldamdyǵy joǵary. Sonyń arqasynda qarsylasynan aılasyn asyryp júr. Eki boksshynyń da bolashaǵy zor. Tek keshmilikterimen jumys isteý kerek. Al men bul boksshylardyń ishinen kimniń Eleýsinovtyń ornyn basatynyn naqty aıta almaımyn. Bul tańdaýdy bas bapkerge qaldyrǵanymyz durys. Qazir bul boksshylarmen Ulttyq quramanyń bapkerleri jumys istep jatyr. Meniń oıymsha, eki boksshy da osy emes.
Eske salaıyq, 2016 jyly Rıoda ótken Olımpıada 69 kıloda altyn alǵan Danııar Eleýsinov kásipqoı boksqa aýysý týraly sheshim qabyldaǵan edi. Qazirgi ýaqytta Ulttyq qurama sapynda bul salmaqta birinshi nómirli boksshy atanýǵa eki boksshy — jastar arasyndaǵy Olımpıada oıyndarynyń chempıony Abylaıhan Júsipov pen jastar arasyndaǵy álem chempıony Sadrıddın Ahmedov úmitti.
kaz.vesti.kz
