«ارالاس جەكپە-جەك ەل نامىسىن ارقالاپ كەلەدى» — دانيار قاسقاراۋوۆ

استانادا جاقسىلىق ۇشكەمپىروۆ اتىنداعى جەكپە-جەك سارايىندا «Alash Pride» پروموۋشەنىنىڭ ۇيىمداستىرۋىمەن ارالاس جەكپە-جەكتەن «Alash Pride FC75»  حالىقارالىق ءتۋرنيرىنىڭ ءباسپاسوز بريفينگى ءوتتى. 

وڭىرلىك كوممۋنيكاتسيالار قىزمەتى الاڭىندا اتالعان شارالاردىڭ ءوتۋى مەن ۇيىمداستىرىلۋى جونىندەگى ءباسپاسوز جيىنىنا «ALASH PRIDE FC» پروموۋشەنىنىڭ پرەزيدەنتى، قازاقستان رەسپۋبليكاسىنىڭ قۇرمەتتى سپورت قىزمەتكەرى دانيار قاسقاراۋوۆ، نۇر-سۇلتان قالاسىنىڭ سپورتتىق-بۇقارالىق ءىس-شارالاردى وتكىزۋ ديرەكتسياسىنىڭ باسشىسى باحتيار ماسانوۆ، سپورت سالاسىنىڭ ماماندارى مەن باق وكىلدەرى قاتىستى.

سونىمەن قاتار كەشتىڭ باستى جەكپە-جەگىندە سىنعا تۇسەتىن سپورتشىلاردا توبە كورسەتتى. ولار «Alash Pride FC75» چەمپيوندىق بەلبەۋدى ساراپقا سالاتىن بولادى.

ءباسپاسوز بريفينگىنىڭ العاشقى ءسوزى «ALASH PRIDE FC» پروموۋشەنىنىڭ پرەزيدەنتى دانيار الدابەرگەن ۇلىنا بەرىلدى.

وزدەرىڭىزگە بەلگىلى، بۇگىن ەلوردا ۋاقىتىمەن كەشكى 18.00-دە ارالاس جەكپە-جەكتەن حالىقارالىق ءتۋرنيرىمىز وتەدى. ايتۋلى دوداعا التى ەلدەن كەلگەن ەڭ مىقتى 10 جۇپ شىعاتىن بولادى. كەزدەسۋ وتە تارتىستى وتەدى دەگەن سەنىمدەمىن.

سونىمەن قاتار جەكپە-جەك تۋرالى دەرەكتى فيلمگە ۇلكەن قولداۋ كورسەتكەن ەل كوز ايىمىنا اينالا باستاعان 2021 جىلعى ۇزدىك تەلەارنا اتانعان «ارالاس جەكپە-جەك» يۋتۋب كانالىنىڭ پرەزيدەنتى باۋىرجان جيرەنباي باستاعان ۇجىمعا العىسىمىز شەكسىز، ­-  دەپ اتاپ ءوتتى دانيار قاسقاراۋوۆ.

سونداي-اق بىرنەشە ەل ازاماتتارىنا، سپورت سالاسىن دامىتۋعا قوسقان ۇلەستەرى ءۇشىن نۇر-سۇلتان قالاسىنىڭ سپورت باسقارماسى سامات جىلقىباەۆتان جانە مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى سامات ەرعاليەۆتىڭ اتىنان العىس حاتتار تابىس ەتىلدى.

كەزدەسۋدە باق وكىلدەرى سۇراقتار قويىپ، ءتيىستى جاۋاپتار الدى.

جيىن سوڭىندا رەسپۋبليكالىق «ەر – نامىسى» قوعامى بىرلەستىگىنىڭ توراعاسى ەربولات اليادين  «ەر – نامىسى» قوعامى بىرلەستىگىنىڭ القاسىنىڭ شەشىمىمەن ءبىر اۋىزدان قولداپ «ALASH PRIDE FC» پروموۋشەنى پرەزيدەنتى، قر قۇرمەتتى سپورت قىزمەتكەرى دانيار قاسقاراۋوۆقا «ەر – نامىسى» قوعامى بىرلەستىگىنىڭ قۇرمەتتى توراعاسى بولىپ سايلانۋىمەن قۇتتىقتاپ، وعان كۋالىكتى تابىس ەتتى.

سونداي-اق وسى كۇنى «ALASH PRIDE-Turkistan» جاۋىنگەرلىك كلۋبىنىڭ پرەزيدەنتى مۇرات احانوۆ «ەر – نامىسى» قوعامى بىرلەستىگىنىڭ  تۇركىستان وبلىسى فيليالىنىڭ توراعاسى بولىپ تاعايىندالدى.

وسى يگى ىستەردىڭ باسى قاسىندا جۇرگەن ەل ازاماتى رەسپۋبليكالىق «سپورت جۇلدىزدارى» جۋرنالىنىڭ شەف رەداكتورى، «ەر – نامىسى» رەسپۋبليكالىق قوعامى بىرلەستىگىنىڭ ۆيتسە – پرەزيدەنتى، «ALASH PRIDE FC» پروموۋشەنىنىڭ باق-پەن وكىلى جاندوس ايانبەك ەكەنىن ايتۋ كەرەك.

داستان كەنجالين