الەمدە تەڭدەسى جوق فۋتبول ءتۋرنيرى

قازاقستاننىڭ ەڭبەك سىڭىرگەن قايراتكەرى، سپورت جۋرناليستيكاسىنىڭ جامپوزى، الەمدە تەڭدەسى جوق «ءبىر اتانىڭ بالالارى فۋتبول وينايدى» اتتى جوبانىڭ اۆتورى، جازۋشى، سپورت شەبەرى نەسىپ ءجۇنىسباي ۇلى قازاقستان رەسپۋبليكاسىنىڭ «وتباسى كۇنىنە» ارنالعان شاعىن فۋتبولدان «ءبىر اتانىڭ بالالارى وينايدى» جانۇيالىق رەسپۋبليكالىق حح ءتۋرنيرىن «تاراز — ارەنا » سپورت سارايىندا، جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسىنىڭ قولداۋىمەن وتكىزدى.

بۇل جوبانىڭ ەرەكشەلىگى، فۋتبول كومانداسىنىڭ قۇرامى ءبىر اتادان، اۋلەتتەن تاراعان تۋىس-باۋىرلاردان تۇرادى، اتالارى باس بولىپ نەمەرەلەرىمەن بىرگە وينايدى.

«وتان، وتباسىنان باستالادى» دەپ بەكەر ايتپايمىز، ءار وتباسىنىڭ، ءار اۋلەتتىڭ جىگىتتەرى ءبىر كوماندا بولىپ، جۇدىرىقتاي جۇمىلىپ، فۋتبول ويناسا، سالاۋاتتى ءومىر سالتىن ۇستانسا، تاتۋ، باۋىرماشىل، ءبىر بىرىنە مەيرىمدى بولسا، كەرەمەت ەمەس پە!

تارازدا شاعىن فۋتبولدان «ءبىر اتانىڭ بالالارى فۋتبول وينايدى» حح رەسپۋبليكالىق، 33 وتباسىلىق كوماندالار قاتىسقان ءتۋرنيردىڭ ناتيجەسىندە ءبىرىنشى ورىندى مۇحتار اتا كومانداسى جەڭىپ الدى (500 مىڭ تەڭگە.) ەكىنشى ورىندى بازارباەۆتار اۋلەتى  (300 مىڭ تەڭگە) يەلەندى. ءۇشىنشى ورىنعا جولداس اۋلەتى (200مىڭ تەڭگە) يە بولدى. ءتورتىنشى ورىنعا مىرزابەكوۆتار جانۇيالىق كومانداسى تابان تىرەدى. كوماندالاردىڭ بارلىعى تۇركىستان وبلىسىنان.

ءتۋرنيردىڭ ەڭ جاس ويىنشىسى مىرزاشەۆتار اۋلەتىنەن نۇرعيسا مۇحامەدجان اتاندى.

ارداگەر فۋتبولشى ازىمبەك تلەشەۆ  (كەيكى باتىر اۋلەتى) بولدى.

ۇزدىك قاقپاشى اتاعىن مارات تۋعانباەۆ  (ماۋلەنوۆتەر وتباسى) جەڭىپ الدى.

«سۇرمەرگەن» نوميناتسياسىن ەركەبۇلان نۇرتاس ۇلى (جولداس اۋلەتى) يەلەندى.

ۇزدىك شابۋىلشى تۋرنير جەڭىمپازى مۇحتار اتا كومانداسىنان مۇحتار رايىمبەك  اتاندى.

جەڭىستەرىڭ قۇتتى بولسىن قۇرمەتتى اعايىن-باۋىرلار!

وسىنداي، الەمدە تەڭدەسى جوق جوبانى ىسكە اسىرىپ جاتقان اقتاڭگەر، ۇلتجاندى تۇلعا – نەسىپ ءجۇنىسباي ۇلىنا العىس ايتامىز!

جامبىل وبلىسىنىڭ قۇرمەتتى ازاماتى

قاسىمحان تولەنديەۆ