• Қазақ
  •   
  • Qazaq
  •   
  • قازاق
  •   
  • Рус
  •   

    Qazaqtyń altyn qyzy — Altynaı!

    5-8 qazan kúnderi qazaq kúresinen Mınsk qalasynda ótken  jetinshi əlem chempıonatynyń ózgesheligi, tarıhta tuńǵysh ret erlermen qatar əıelder arasynda beldesýler ótkeni boldy. Tuńǵysh ret qazaq kúresinen əıelder arasynan əlem chempıony ataný úshin boz kilemde beldesken arýlardyń ónerine kýə bolý baqyty bizge buıyrdy.

    Chempıonatta erler 6 salmaqta beldesse, qyzdar 2 salmaqta baqtaryn synap, el namysyn Qaljan Taıjan (Atyraý) men Altynaı Habı (Astana) sekildi arýlarymyz qorǵady.

    Sambo kúresinen əlem chempıonatynyń júldegeri, 4 dúrkin Azııa chempıony, belbeý kúresi men kýrashtan əlem chempıony Qaljan Taıjan +70 kıloda synǵa túsip, mońǵolııalyq Otgon Mýheegten utylyp qaldy. Birinshiden Qaljannyń buryńǵy jaraqaty syr berip kúrese almasa, ekinshiden mońǵol qyzy shynymen de myqtylyǵyn dáleldedi. Qazaq kúresinen əlem chempıony atanyp ketti. Qaljan úshin tuńǵysh ret qazaq kúresinen əlem chempıonatynyń kúmis júldegeri degen ataq ta jaman emes. Degenmen…

    Qaljan jibergen eseni 70 kıloda Altynaı qyzymyz qaıtardy. Bir qaraǵanda nəzik bolyp kórinetin Altynaı boz kilemge shyǵa salysymen ózgerip sala beredi eken. El úmitin arqalaǵan Altynaıjan qarsylas shaq keltirmedi. Alyp ta jyqty, shalyp ta jyqty. Fınalda belgııalyq palýannan aılasyn asyryp, qazaq kúresinen əıelder arasynda tuńǵysh əlem chempıony atandy!

    Endi sizderge qazaqtyń altyn qyzyn tanystyryp óteıik. Tarıhta altyn ərippen jazylyp qalǵan Altynaı týraly sizder de bilip júrińizder.

    Jambyl oblysynyń Túriksib aýdanynda dúnıege kelgen Altynaı kúres əlippesin 2009 jyly Aıgúl Bolatbekova degen bapkerden bastapty. Bir jyldyń ishinde 12 jasynda dzıýdo kúresinen ótken 14-15 jastaǵy qyzdar arasynda Qazaqstan chemponatynyń qola júldegeri, kóp keshikpeı 12-13 jas arasynda Qazaqstan chempıony bolady da, 2010 jyly Astana qalasyndaǵy Qajymuqan Muńaıtpasov atyndaǵy sporttaǵy daryndy balalarǵa arnalǵan sport ınternatynyń 8 synybyna qabyldanady.

    Bul jerde Bolat Danııarov degen bilikti bapkerdiń qol astynda jattyqqan Altynaıdyń jeńisti joly jalǵasyp júre berdi. Jastar arasynda QR spartakıadasynda top jarsa, əıelder arasyndaǵy spartakıadada kúmispen kúpteldi. 1997-1998 jyldary týǵan qyzdar arasynda Qazaqstan chempıony, 1996-1997 jylǵylar arasynda eki dúrkin kúmis júldeger boldy.

    Sonymen qatar, Altynaı kóptegen halyqaralyq jəne sport sheberi ataǵyn beretin týrnırlerdi utyp sport sheberi atandy.

    2015 jyly qazaq kúresinen jastar arasynda Qazaqstan chempıonatynda ekinshi oryn alǵan Altynaı, mińe Mınskde qazaq kúresinen əıelder arasynda tuńǵysh ret qazaq qyzdarynan shyqqan əlem chempıony ataǵyna qol jetkizdi!

    Júldeń qutty bolsyn qazaqtyń altyn qyzy — Altynaı! Biz seni maqtan etemiz!

    Musaǵalı TASQALIEV,
    Aqtóbe-Máskeý-Mınsk

    2 pikir

    1. Altynaı jýlden kýtty bolsn.Ýıstyp kazakstannyn atyn shygaraber.Bıyk shyndardan koryneber . Oıga algan maksatyna armanyna jete ber.Byz kýanyshtymyz.Osy kazakstandyk basshylarymyz kandaı syı tartty basshylarymyzga.

      • Batyr kyzymyzga kandaı syı tartty eken.Osyndaı batyr kyzdarymyzdy teledıdardan korsetyp jastarga ýlgy kylmady ma¿

    Jaýap jazý Maıra Qaıtyp alý

    Your email address will not be published. Required fields are marked *

    *