Kóńil kóńilden sý ishedi

Eń kóne dene shynyqtyrý-sport qoǵamy «Mektepke jol» respýblıkalyq qaıyrymdylyq akııasyna jyl saıyn belsendi túrde qatysyp keledi.

Búgin aınalaǵa úlgi bolatyn is-shara «Dınamo» DShSQ qoǵamdyq birlestiginiń shańyraǵynda bolyp, balalar shad-shadyman kóńil-kúımen mektepterine attandy.

Bul joly Tótenshe jaǵdaılar mınıstirligi qyzmetkerleriniń otbasylaryna erekshe kóńil bólindi. Qoǵamnyń Almatydaǵy «Dınamo» stadıonynda Tótenshe jaǵdaılar mınıstirligi qyzmetkerleriniń az qamtylǵan jáne kópbalaly otbasylarynan shyqqan ondaǵan birinshi synypqa baratyn búldirshin oqýshylarǵa saltanatty jaǵdaıda Qoǵam apparatynyń basshysy Gúláıim Mahatqyzy men tanymal gımnast Mılad Karımı mektepke qajetti zattarǵa toly sómkeler taratyp berdi. Sómkelerdiń ishinde keńse taýarlary: qalamdar, dápterler, oqýlyqtar, qaryndashtar, sondaı-aq «Dınamo» qoǵamynyń áıgili emblemasy beınelengen sporttyq kostıýmder boldy.

О́z sózinde Gúláıim Mahatqyzy az qamtylǵan otbasylarǵa, jetim balalarǵa, ata-anasynyń qamqorlyǵynsyz qalǵan nemese ómirlik qıyn jaǵdaıǵa tap bolǵan balalarǵa kómek kórsetý dınamolyqtar úshin úlken mártebe ári abyroıly mindet ekenin atap ótti.

«Bul — bıylǵy jyly ótkizilgen alǵashqy osyndaı is-shara emes. Búgingi akııa «Dınamo» qoǵamy men kúshtik qurylymdar arasyndaǵy erekshe baılanystyń jáne ózara qoldaýdyń taǵy bir aıqyn dáleli boldy», dedi ol.

Balalardyń qýanyshtaryna ata-analary da qýanyp qaldy.

Rasymende jaǵdaıy nashar otbasylar balalaryn mektepke daıyndaýda qarjylaı qıyndyqtarǵa kezdesedi. Bir balany tolyqtaı kıim-keshek, oqý quraldarymen mektepke ázirlegende 200 myńǵa taıaý teńge ketedi eken. Osyndaı qıyndyqtarǵa urynǵan otbasylardyń jaǵdaıyn jeńildetken Tótenshe jaǵdaılar mınıstirligi qyzmetkerleri men «Dınamo» qoǵamynyń qoldaý kórsetken saýapty isterine alǵystan basqa aıtar joq. Bala bizdiń bolashaǵymyz. Endeshe, zaıyrly eldiń sanaly urpaǵy óssin desek, balanyń bilimine qamqor jasaý mańyzdy másele.

Aqyn ORDABAIULY,

ALMATY