Shymkentte jańa kúres zaly ashyldy

Jańa oqý jylynda Shymkent qalasyndaǵy №149 «Keleshek» mektebinde oqýshylarǵa arnalǵan jańa kúres zaly ashyldy.

Qazaqstan kúres federaııasy baspasóz qyzmetiniń málimetine qaraǵanda, bul federaııanyń «Mektep kúres lıgasy» jobasy aıasynda óńirlerde atqaryp jatqan jumysynyń jalǵasy.

Saltanatty is-sharaǵa Qazaqstan kúres federaııasynyń birinshi orynbasary Darhan Sársenov, Shymkent qalasynyń sport jáne bilim basqarmalarynyń ókilderi, sport janashyrlary, federaııa músheleri men jattyqtyrýshylar qatysty.

Is-sharada sóz alǵan Darhan Sársenov mektep ujymyn jáne oqýshylardy jańa oqý jylynyń bastalýymen quttyqtap, Qazaqstan kúres federaııasynyń tóraǵasy Erkin Oqasovtyń quttyqtaýyn jetkizdi. Sondaı-aq federaııa atynan mektep basshylyǵyna jańa kúres kileminiń sertıfıkatyn tabys etti.

Jańa zaldyń ashylýy №149 «Keleshek» mektebiniń oqýshylaryna sabaqtan tys ýaqytta óz mektebinde kúrespen turaqty aınalysýǵa múmkindik beredi. Balalarǵa sport sekııasyna barý úshin basqa aýdanǵa nemese arnaıy sport mektebine qatynaýdyń qajeti bolmaıdy. Al jattyqtyrýshylar úshin bul mektep qabyrǵasynan kúreske beıimi bar balalardy anyqtap, olardy júıeli daıyndyqqa tartýǵa jol ashady.

«Mektep kúres lıgasynyń» túpki maqsaty da osy, kúresti balalarǵa barynsha qoljetimdi etý jáne sportty mektep ómiriniń bir bóligine aınaldyrý. Joba jasóspirimderdi turaqty dene belsendiligine tartýmen qatar, qabiletti balýandardy erte anyqtap, olardyń keıingi sporttyq damýyna bastapqy negiz qalyptastyrýdy kózdeıdi.

Atap aıtqanda, maýsym aıynda Astana qalasyndaǵy №114 mektep-gımnazııasynda Týrızm jáne sport mınıstrligi, Oqý-aǵartý mınıstrligi jáne Qazaqstan kúres federaııasy arasynda mektepterde grek-rım, erkin jáne áıelder kúresin damytýǵa baǵyttalǵan birlesken jumys bastalǵan bolatyn.

Osy baǵyttaǵy jumys búginde birneshe óńirde jalǵasyp keledi. Buǵan deıin Astana, Shymkent jáne Qaraǵandy qalalaryndaǵy mektepterde kúres zaldary ashylsa, tamyz aıynyń sońynda Kókshetaýdaǵy Tehnıkalyq mektep-lıeıinde de jańa zal paıdalanýǵa berildi. Keıin Qaraǵandyda Baýyrjan Momyshuly atyndaǵy mektepte de «Mektep kúres lıgasy» jobasy aıasynda jabdyqtalǵan zal jumysyn bastady», delingen habarlamada.

Federaııanyń habarlaýynsha, mańyzdy jobanyń bolashaqtaǵy mindetteriniń biri – mektepterdiń jeke kúres komandalaryn qalyptastyryp, balalardy maýsym boıy turaqty jarys tájirıbesimen qamtamasyz etý.

Jalpy, «Mektep kúres lıgasy» aıasynda respýblıka boıynsha 60-tan astam mektepti mobıldi jáne staıonarlyq kúres kilemderimen jabdyqtaý josparlanǵan. Sonyń nátıjesinde 3,5 myńnan astam oqýshynyń grek-rım, erkin jáne áıelder kúresimen turaqty aınalysýyna jaǵdaı jasalmaq.

№149 «Keleshek» mektebindegi jańa kúres zaly osy aýqymdy jumystyń Shymkenttegi kezekti nysany. Jańa oqý jylyn jańa sporttyq múmkindikpen bastaǵan mektep oqýshylary endi alǵashqy jattyǵýyn óz mektebinde ótkizip, kúrestegi jolyn osy jerden bastaı alady.