SportPress.kz Qazaqstan sport jańalyqtary
Qyrǵyz Respýblıkasy Prezıdentiniń baspasóz hatshysy Asqat Alagózov buǵan deıin «Bishkek-Arena» stadıonyna qatysty jarııalaǵan qysqasha aqparatyn tolyqtyryp, sport arenasynyń qurylysyna 386 mln dollar jumsalǵanyn aıtty.
«Osy kezge deıin «Bishkek-Arena» stadıonyna qatysty tolyq aqparat ala almadyq. Onyń sebebi, osy jobaǵa qatysy bar barlyq adamdar ShYU sammıti men Dúnıejúzilik kóshpeliler oıyndaryna daıyndyq jumystarymen aınalysyp, táýlik boıy jumys istedi.
Endi mine, stadıonǵa qatysty tolyq málimet berýge bolady. Sondyqtan ony halyqqa jarııalaýdy jón sanap otyrmyn,» dedi ol.
Onyń aıtýynsha, «Bishkek-Arena» stadıonynyń qurylysyna 386 mln AQSh dollary jumsaldy. Ony «60 mln dollarǵa» saldy degen aqparat – jalǵan.
Stadıon qurylysy bastalǵan kezde nysan bastapqyda 30-35 myń kórermenge eseptelgen edi. Sol kezde Qamshybek Táshıev onyń shamamen 60 mln dollarǵa túsetinin aıtqan. Alaıda alǵashqy kezde Dolon О́mirzaqov atyndaǵy stadıonǵa uqsas sport arenasyn salý týraly oı bolǵan.
«Keıin Prezıdent Sadyr Japarov bastapqy jobany tolyǵymen ózgertip, stadıondy qyrǵyzdyń kıiz úıi formasynda salynsyn degen tapsyrma berdi. «Onyń ishinde saýda ortalyqtary, meıramhanalar men dámhanalar, sýpermarket, kınoteatrlar, sport zaldary men balalarǵa arnalǵan alańdar bolsyn. Áıtpese, stadıondy ustap otyrýdyń ózi bıýdjetke aýyr salmaq túsiredi. Bolashaqta stadıon tabys ákeletin nysanǵa aınalýy kerek», dedi ol.
Nátıjesinde joba tolyǵymen qaıta ázirlenip, qurylystyń jalpy aýmaǵy 194 248 m² boldy. Stadıonnyń bir sharshy metri 2 000 AQSh dollarynan 15 000 AQSh dollaryna deıin ózgerýi múmkin.
Sondyqtan Qamshybek Táshıev stadıonnyń 30-35 myń adamǵa arnalyp, onyń baǵasy shamamen 60-70 mln dollarǵa baratynyn aıtqanda osyny meńzegen bolý kerek. Eger stadıon Dolon О́mirzaqov atyndaǵy stadıon sııaqty kádimgi sport arenasy retinde salynǵanda, ol ózin-ózi aqtap qana qoımaı, ony kútip ustaýǵa jáne qyzmetkerlerdiń jalaqysyn tóleýge jyl saıyn bıýdjetten mıllıardtaǵan som qarajat talap eter edi.
Sondyqtan joba keńeıtilip, «Bishkek-Arena» syıymdylyǵy 52 myń kórermenge arnalyp, men jańa aıtqan ınfraqurylymnyń bári salyndy», dedi ol.
Osy rette ol jobany keńeıtýdiń taǵy bir sebebi, FIFA-nyń, ıaǵnı Halyqaralyq fýtbol federaııasynyń talaby bolǵanyn eskertti.
«Álemdik deńgeıdegi halyqaralyq jarystardy ótkizý úshin stadıon keminde 50 myń kórermenge arnalǵan bolýy kerek eken», dedi Asqat Alagózov.
Osydan keıin ol «Bishkek-Arena» stadıonynyń negizgi sıpattamalary týraly keńirek málimet berdi.
Olar mynalar:
Jer ýchaskesiniń aýmaǵy – shamamen 20 ga (200 000 m²).
Qurylystyń jalpy aýmaǵy – 194 248 m².
Nysannyń dıametri – 280 m.
Bıiktigi – 70 m.
Qabat sany – 8 qabat.
Kórermenderge arnalǵan oryn sany – 51 252.
Smetalyq quny – 386 mln AQSh dollary.
Saýda jáne kommerııalyq ınfraqurylym:
Saýda ortalyǵynyń jalpy aýmaǵy – 35 916 m².
Stadıonda 48 dúken, 1 sýpermarket, 18 saýda dúńgirshegi, 23 meıramhana, 11 dámhana, 4 kıno zaly, balalarǵa arnalǵan oıyn alańy, sport zaly. jalpy aýmaǵy 5 087 m² bolatyn terrasalar bar.
«Osylaısha, «Bishkek-Arena» qurylysynyń jalpy quny 386 mln AQSh dollary boldy. Alaıda «Bishkek-Arena» bul somany salystyrmaly túrde az ýaqytta ótep qana qoımaı, ári qaraı tabys ákeletin bolady.
Qazirdiń ózinde aqyly is-sharalar men konertter ótkizýge ótinimder túse bastady», dedi Prezıdenttiń baspasóz hatshysy.
Odan ári ol salystyrmaly túrde basqa elderdegi stadıondardyń qandaı somaǵa salynǵanyn da aıtty. Onyń aıtýynsha, AQSh-taǵy 65 000 orynǵa arnalǵan Allegiant Stadium stadıony 1,9 mlrd dollarǵa salynǵan. Bul jerde VIP pen kommerııalyq oryndar bar.
«О́kinishke qaraı, sońǵy kúnderi «bizdiń stadıon 60 mln dollarǵa salyndy. Al kórshi elderdegi stadıondar osyndaı somaǵa salyndy» degen pikirler aıtyla bastady. Bul kórshi memleketterdiń basshylarynyń bedeline nuqsan keltiredi. Sondyqtan, qurmetti otandastar, bul máseleni saıasılandyrmaı, kórshi memlekettermen qarym-qatynasty ýshyqtyrmaıyq», dedi ol.
Osy oraıda Asqat Alagózov búginde búkil álemde stadıon qurylysynyń quny materıaldyń qymbattaýyna baılanysty ósip jatqanyn tilge tıek etti.
«Mysaly, metaldyń qymbattaýy, beton baǵasynyń ósýi, logıstıkalyq shyǵyndar, jumys kúshine tólenetin aqsha, ınjenerlik júıelerdi, VIP jáne kommerııalyq aımaqtardy salý, ınflıaııa, dúnıejúzi boıynsha qurylys materıaldarynyń tapshylyǵy, osynyń bári qurylystyń baǵasyna áser etedi», dedi Qyrǵyzstan basshysynyń baspasóz hatshysy.
Ol Prezıdent Sadyr Japarovtyń Esep palatasy men basqa da tıisti organdardyń ókilderine komıssııa quryp, stadıonnyń qurylysyn jan-jaqty tekserý tapsyrǵanyn aıtty.
«Komıssııa qurylys materıaldarynyń tolyq paıdalanylǵanyn, jumysshylarǵa jalaqynyń tolyq tólengenin, qarajattyń urlanbaǵanyn tekseredi.
Tekserý qorytyndysy boıynsha nátıjeler búkil halyqqa jarııalanady», dedi ol sóz sońynda.
Buǵan deıin ol VI Dúnıejúzilik kóshpeliler oıyndarynyń qorytyndysyndaǵy medal esebine qatysty pikir bildirgen edi.
Dastan KENJALIN,
ASTANA
