ساتپاەۆ جاراقاتىنا بايلانىستى «چەلسيگە» ورالادى

فۋتبولدان قازاقستان ۇلتتىق قۇراما كومانداسىنىڭ شابۋىلشىسى داستان ساتپاەۆ ءسىڭىر جاراقاتىن ەمدەۋ ءۇشىن ۋاقىتشا «چەلسي» كلۋبىنىڭ بازاسىنا ورالۋى مۇمكىن.

TalkBFC مالىمەتىنە قاراعاندا، جاقىن ارادا فۋتبولشى لورندونعا بارىپ، وڭالتۋ كۋرسىنان وتەدى. ودان كەيىن ول «بەرنلي» ساپىنا قايتا قوسىلادى.

«بەرنلي» جاساعىنىڭ باس جاتتىقتىرۋشىسى نيكي حايەن ساتپاەۆتىڭ بىرنەشە اپتا بويى الاڭعا شىعا المايتىنىن ايتتى.

ساتپاەۆ جاراقاتىن چەمپيونشيپتىڭ 4-تۋرىندا «ميدلسبرومەن» ويىن كەزىندە العان. بۇل ماتچ 1:1 ەسەبىمەن اياقتالدى. وتانداسىمىز ماتچتى نەگىزگى قۇرامدا باستاپ، 81-مينۋتقا دەيىن وينادى.  سودان كەيىن ول «بريستول سيتيمەن» ويىنعا الاڭعا شىقپادى.

ساتپاەۆ وسى فۋتبول ماۋسىمىنىڭ سوڭىنا دەيىن «بەرنليدە» دوپ تەبەدى. ول «چەلسيدەن» جالعا الۋ شارتىمەن اۋىسقان. ونىڭ لوندون كلۋبىمەن تولىق كەلىسىمشارتى 2033 جىلعا دەيىن ەسەپتەلگەن.

ساتپاەۆ «بەرنلي» ساپىندا ازىرگە ءتورت رەت الاڭعا شىقتى.

داستان كەنجالين،

استانا