Sátpaev jaraqatyna baılanysty «Chelsıge» oralady

Fýtboldan Qazaqstan ulttyq qurama komandasynyń shabýylshysy Dastan Sátpaev sińir jaraqatyn emdeý úshin ýaqytsha «Chelsı» klýbynyń bazasyna oralýy múmkin.

TalkBFC málimetine qaraǵanda, jaqyn arada fýtbolshy Lorndonǵa baryp, ońaltý kýrsynan ótedi. Odan keıin ol «Bernlı» sapyna qaıta qosylady.

«Bernlı» jasaǵynyń bas jattyqtyrýshysy Nıkı Haıen Sátpaevtyń birneshe apta boıy alańǵa shyǵa almaıtynyn aıtty.

Sátpaev jaraqatyn Chempıonshıptiń 4-týrynda «Mıdlsbromen» oıyn kezinde alǵan. Bul match 1:1 esebimen aıaqtaldy. Otandasymyz matchty negizgi quramda bastap, 81-mınýtqa deıin oınady.  Sodan keıin ol «Brıstol Sıtımen» oıynǵa alańǵa shyqpady.

Sátpaev osy fýtbol maýsymynyń sońyna deıin «Bernlıde» dop tebedi. Ol «Chelsıden» jalǵa alý shartymen aýysqan. Onyń London klýbymen tolyq kelisimsharty 2033 jylǵa deıin eseptelgen.

Sátpaev «Bernlı» sapynda ázirge tórt ret alańǵa shyqty.

Dastan KENJALIN,

ASTANA