بۇگىن V ازيا پارا ويىندارىنىڭ جارىستارى باستالادى

بۇگىن جاپونيانىڭ ناگويا قالاسىندا V ازيا پارا ويىندارى اياسىنداعى العاشقى جارىستار باستالادى.

قازاقستان سپورتشىلارى پارا ۇستەل تەننيسىنەن جەكەلەي سىندا باق سىنايدى.

جارىستىڭ العاشقى كۇنى پارا ۇستەل تەننيسىنەن 32/1 فينالداعى ويىندار بولادى. ەلىمىز اتىنان مارات سۋرتۋباەۆ، التىناي ەرجانقىزى، الەكساندرا ستەپانوۆا، انتونينا روگوۆا مەن ارداق نۇرماعامبەتوۆ جارىس جولىنا شىعادى.

جارىستى «Qazsport» تەلەارناسىنان تىكەلەي ەفيردە تاماشالاۋعا بولادى. ازيا پارا ويىندارى 18–24 قازان ارالىعىندا وتەدى. وعان ازيانىڭ 45 ەلىنەن 4 000-عا جۋىق سپورتشى قاتىسادى. تىرەك-قيمىل اپپاراتى مەن كورۋ قابىلەتى زاقىمدانعان، سونداي-اق زياتكەرلىك دامۋ ەرەكشەلىكتەرى بار سپورتشىلار 18 سپورت تۇرىنەن 502 مەدال جيىنتىعىن ساراپقا سالادى.

بيىل قازاقستان ۇلتتىق قۇراماسىنىڭ ساپىندا 150 سپورتشى ەل نامىسىن 12 سپورت تۇرىنەن قورعايدى.

بۇعان دەيىن استاناداعى «Qazaqstan» جەڭىل اتلەتيكالىق سپورت كەشەنىندە قازاقستاننىڭ ۇلتتىق كومانداسىن V ازيا پارا ويىندارىنا شىعارىپ سالۋعا ارنالعان سالتاناتتى ءراسىمنىڭ ءوتىپ، سپورتشىلاردىڭ جاپونياعا جول جۇرگەنىن حابارلاعان ەدىك.

داستان كەنجالين،

استانا