Búgin V Azııa Para oıyndarynyń jarystary bastalady

Búgin Japonııanyń Nagoıa qalasynda V Azııa Para oıyndary aıasyndaǵy alǵashqy jarystar bastalady.

Qazaqstan sportshylary para ústel tennısinen jekeleı synda baq synaıdy.

Jarystyń alǵashqy kúni para ústel tennısinen 32/1 fınaldaǵy oıyndar bolady. Elimiz atynan Marat Sýrtýbaev, Altynaı Erjanqyzy, Aleksandra Stepanova, Antonına Rogova men Ardaq Nurmaǵambetov jarys jolyna shyǵady.

Jarysty «Qazsport» telearnasynan tikeleı efırde tamashalaýǵa bolady. Azııa Para oıyndary 18–24 qazan aralyǵynda ótedi. Oǵan Azııanyń 45 elinen 4 000-ǵa jýyq sportshy qatysady. Tirek-qımyl apparaty men kórý qabileti zaqymdanǵan, sondaı-aq zııatkerlik damý erekshelikteri bar sportshylar 18 sport túrinen 502 medal jıyntyǵyn sarapqa salady.

Bıyl Qazaqstan ulttyq quramasynyń sapynda 150 sportshy el namysyn 12 sport túrinen qorǵaıdy.

Buǵan deıin Astanadaǵy «Qazaqstan» jeńil atletıkalyq sport kesheninde Qazaqstannyń ulttyq komandasyn V Azııa Para oıyndaryna shyǵaryp salýǵa arnalǵan saltanatty rásimniń ótip, sportshylardyń Japonııaǵa jol júrgenin habarlaǵan edik.

Dastan KENJALIN,

ASTANA