XIX Azıada: Sáken Bıbosynov pen Hasanboı Dýsmatov qolǵap túıistiredi

28 qyrkúıekte Qytaıdyń Hanchjoý qalasynda ótip jatqan Azııa oıyndarynda bokstan 1/8 fınaldyń jekpe-jekteri bolady. Osy kúni 51 keli salmaq dárejesindegi Sáken Bıbosynov О́zbekstannyń boksshysy Hasanboı Dýsmatovpen qolǵap túıistiredi.

Bul aıqasta jeńgen boksshy shırek fınalǵa shyǵady. Odan keıin jartylaı fınal men fınalǵa joly ashylýy múmkin. О́ıtkeni, bıylǵy Azıadada qazaq pen ózbek bylǵary qolǵap sheberlerine ei keletin sportshylar az. Sáken Bıbosynov byltyrǵy álem chempıony bolsa, Hasanboı Dýsmatov – 2016 jylǵy Olımpıada chempıony, Azııa chempıonatynyń úsh dúrkin jeńimpazy (2015, 2017, 2022).

2021 jyly ótken álem chempıonatynda Bıbosynov ózbek qarsylasyn 5:0 esebimen jeńgen bolatyn. Odan keıin 2022 jyly Azııa chempıonatynda qazaq boksshysy qarsylasynan 1:4 esebimen jeńilgen edi.

Bıylǵy Azıada da Sáken jarysty jaqsy bastady. Ol  1/16 fınalda Azııa chempıonatynyń júldegeri mońǵolııalyq Orhont Onoboldty 5:0 esebimen jeńdi.

Men birinshi kezdesýimde jeńiske jettim. Azııa oıyndaryna osal qarsylas kelmeıdi. Mońǵol boksshysyn burynnan bilemin. Jattyqtyrýshylardyń taktıkasyn durys oryndadym. Qabaǵymnan kishkene jaraqat alyp qaldym. Ol endi ózimniń kinám. Bapkerlerim aıaqta turma, eńkeıme degen. Bapkerdi tyńdamaǵanda osylaı bolady.

Endi eki kúnnen keıin 28 qyrkúıekte ózbek boksshysy Hasanboı Dýsmatovpen judyryqtasamyn. Men Azıadaǵa chempıon bolý úshin, sosyn Olımpıadaǵa lıenzııa alý úshin kelgenmin. Hasanboı Dýsmatovpen bir ret kezdesip, ony jeńgen bolatynmyn. Endi ony taǵy da jeńip, elimizdi qýantqym keledi, — dedi osy jekpe-jekten keıin Sáken Bıbosynov.

Dýsmatov ta 1/16 fınalda koreıalyq Cho Sen Iýnnen basym tústi.

Dastan KENJALIN,

ASTANA

FOTO: AIBA