Almaty oblysynda qazaq kúresinen dástúrli týrnır jalǵasyn tapty

Almaty oblysy, Ile aýdanynyń ortalyǵy О́tegen batyr kentinde qazaq kúresinen Raıymbek Túkeulyn eske alýǵa arnalǵan dástúrli týrnır ótti. Bıyl da óz júldesin tapqan respýblıkalyq jarysqa elimizdiń ár oblysynan, Almaty, Shymkent qalasynan 20-dan asa komanda qatysty. Osymen on jetinshi márte uıymdastyrylǵan týrnırge tóselgen qos kilem ústinde eki kún boıy 2002-2003 jyly 400-ge jýyq týǵan jas óskin balýandar baryn salyp beldesti. On salmaq dárejesinde uıymdastyrylǵan beldesýde Almaty oblysynyń balýandary oza shaýyp komandalyq esepte birinshi oryn aldy. Ekinshi oryndy Shymkent komandasy ıelense, úshtikti Jambyl oblysynan kelgen balýandar túıindedi. Týrnırdi tamashalaýshylardyń kózaıymyn aınalyp, tamasha beldesý ónerimen tánti etken balǵyn balýandarǵa arnaıy syılyqtar, maqtaý qaǵazy  tabys etildi.

–Jyl saıyn uıymdastyrylǵan týrnırde beldesip, shyńdalǵan balýandardyń qatary artyp kele jatqany qýantady. Bıylǵy týrnır Ile aýdanynyń qurylǵanyna 90 jyl tolý merekesine oraı uıymdastyrylyp, osy aýdan men Raıymbek aýdanynyń ákimshiligi qoldaý kórsetip, muryndyq boldy. Qazaqtyń qorǵany bolǵan, eldiń amandyǵy, jerdiń bútindigi úshin attan túspeı, shekara shebin kúzetken batyr babamyz Raıymbek Túkeulynyń urpaqtary da jyl saıyn qarjylaı qol ushyn sozyp, jarystyń joǵary deńgeıde ótýine at salysyp keledi, – deıdi týrnırdiń uıymdastyrýshy, bilikti bapker, halyqaralyq dárejedegi tóreshi Qapar Raýanov.

Eki kúnge sozylǵan týrnırdiń saltanatty sharasyn Ile aýdanynyń  ákimi Baǵdat Qarasaev ashyp, balǵyn balýandarǵa sáttilik tiledi. Qurmetti qonaq bolyp kelip, týrnırdi tamashalaǵan oblystyq bilim salasy kásipodaǵynyń tóraǵasy Toqqoja Estenov, Qazaq kúresi federaııasynyń tuńǵysh prezıdenti, professor Erǵalı Muhıtdınovtar da quttyqtaýlaryn aıtyp, týrnırdi uıymdastyrýshylar men demeýshilerge alǵystaryn bildirdi.

Qýan JOMART

Almaty oblysy,

Ile aýdany,

О́tegen batyr kenti.