BAQ league. جۋرناليستەر ليگاسىنىڭ ەكىنشى ماۋسىمىندا 14 كوماندا

وسى سەنبى ەلوردادا شاعىن فۋتبولدان جۋرناليستەر ليگاسىنىڭ جازعى ماۋسىمى باستالادى. بۇگىن استانا فۋتبول فەدەراتسياسىنىڭ كەڭسەسىندە كوماندا وكىلدەرىنىڭ قاتىسۋىمەن جينالىس ءراسىمى ءوتىپ، بىرىنشىلىكتىڭ جاي-جاپسارى تالقىلاندى. «تارلان-ارەنا» سپورت كەشەنىنىڭ شاعىن فۋتبول الاڭىندا وتەتىن بىرىنشىلىك ءار سەنبى جانە جەكسەنبى سايىن ساعات 15:00-دەن باستالادى. بىرىنشىلىكتىڭ اشىلۋ سالتاناتى 20 مامىر ساعات 18:00-دە. ويىنداردىڭ دالادا وتەتىنىنەن بولەك، جازعى ماۋسىمنىڭ باستى ەرەكشەلىگى – جۋرناليستەر ليگاسىنىڭ بىرىنشىلىگىنەن بولەك، كۋبوكتىق ويىندار دا قاتار جۇرەدى. كۋبوكتىق دودانىڭ ءبىرىنشى كەزەڭى 27 مامىردا وتەدى. جينالىس بارىسىندا فۋتزالدان قازاقستان چەمپيوناتىنىڭ تورەشىسى تورەحان تۋرسىمباەۆ كوماندا وكىلدەرىنە جۋرناليستەر ليگاسى جازعى ماۋسىمىنىڭ تولىق ەرەجەسىن ءتۇسىندىرىپ، بىرىنشىلىكتىڭ قالاي، قانداي جۇيەدە وتەتىنىن ايتتى. سوڭىنان استانا فۋتبول فەدەراتسياسىنىڭ مەنەدجەرى ەرىك چينچالينوۆ پەن وتكەن ماۋسىمنىڭ ۇزدىك ويىنشىسى نۇرسۇلتان قۇرمان بىرىنشىلىكتىڭ جەرەبە تارتۋ ءراسىمىن وتكىزىپ، جۋرناليستەر ليگاسىنىڭ ءبىرىنشى تۋرىندا قاي كوماندالاردىڭ كەزدەسەتىنىن انىقتادى. BAQ league 1-تۋر (20.05.17، سەنبى) 15:00. تساي ميك رك – جەڭىس 16:00. Sports 1959 – حابار-24 17:00. قازسپورت – حابار 18:00. اشىلۋ سالتاناتى. 18:20. قازمەديا – قازاقستان 19:00. ەل ارنا – Dixinews.kz 20:00. ەگەمەن قازاقستان – قازاق راديوسى 21:00. ەلوردا-اقپارات – تك استانا جۋرناليستەر ليگاسىنىڭ اقپاراتتىق سەرىكتەستەرى: «قازمەديا» ورتالىعى، «استانا» فۋتبول كلۋبى، «قازسپورت» ينستاگرام پاراقشاسى، «Life Football» دۇكەنى، «المازنايا سۋ» كومپانياسى. Baq league بىرىنشىلىگىنىڭ تۋرنير كەستەسىمەن مىنا سىلتەمە بويىنشا تانىسا الاسىزدار.https://sportsffa.kz/kz/ffa/mini-football/news/171371545-BAQ-league-gurnalister-ligasynyng-ek%D1%96nsh%D1%96-mausymynda-14-komanda/  © sportsffa.kz