SportPress.kz Қазақстан спорт жаңалықтары
Көркем гимнастикадан Өзбекстанның астанасы — Ташкентте өтіп жатқан Азия чемпионатында Қазақстан қоржынына алғашқы медаль түсті, деп хабарлады olympic.kz.
Топтық жаттығудан Қазақстан командасы көпсайыста Азия чемпионатының қола жүлдегері атанды.
Құраманың спортшылары бес шығыршықпен, сондай-ақ, екі доп, үш таспамен жаттығудан жалпы есепте үшінші орынға табан тіреді.
Қазақстан командасы 5 шығыршық жаттығуы үшін 32.05 ұпай алса, 2 доп, 3 таспа жаттығуында 29.25 ұпайға ие болды.
Топтық жаттығудан Қазақстан командасын ресейлік маман Инна Быстрова жаттықтырады.
