كوركەم گيمناستيكادان اچ: ەلجاڭا تانيەۆا مەن ايبوتا ەرتايقىزى فينالعا شىقتى (ۆيدەو)

وزبەكستاننىڭ تاشكەنت قالاسىندا كوركەم گيمناستيكادان ءوتىپ جاتقان ليتسەنزيالىق ازيا چەمپيوناتىندا  ەلجاڭا تانيەۆا مەن ايبوتا ەرتايقىزى ەكى جاتتىعۋدا فينالعا شىقتى، دەپ حابارلادى تسم سپورتتى دامىتۋ ديرەكتسياسى.

بۇل دودادا قازاقستان نامىسىن 8 سپورتشى قورعاپ جاتىر.

ىرىكتەۋدىڭ العاشقى كۇنى سىنعا تۇسكەن وتانداسىمىز ەلجاڭا تانيەۆا دوپ جانە شىعىرشىقپەن جاتتىعۋدا 68.15 ۇپايمەن كوش باستادى. ءدال وسى جارىستا ايبوتا ەرتايقىزى (65.15 ۇپاي) ءۇشىنشى ورىنعا تابان تىرەدى.

ەكىنشى ورىندى قىتايلىق زيلۋ ۆانگ (66.70 ۇپاي) يەلەندى.

ەرتەڭ جەكەلەي سىندا ۇرشىق، لەنتا جاتتىعۋلارىنىڭ ىرىكتەۋ جارىسى وتەدى.

بۇگىن كەشكە توپتىق جاتتىعۋدا قازاقستان كومانداسى ونەر كورسەتەدى. وسى سىندا چەمپيون مەن جۇلدەگەرلەر انىقتالادى.

 

View this post on Instagram

 

A post shared by Home of Qazaqstan Sports (@qaz_team_official)