SportPress.kz Қазақстан спорт жаңалықтары
Көкшетау қаласында волейболдан әйелдер арасында Қазақстан чемпионаты XXXV маусымының алғашқы туры басталды. Бұрымдылар бәсекесі бір апта бойы жалғасады.
Төрт тур айналым жүйесімен өтетін 2026–2027 жылғы маусымда «ASTANA» (Астана қаласы), «Қайсар» (Қызылорда облысы), «Хиуаз»(Атырау облысы), «Әлия» (Хромтау, Ақтөбе облысы), «Жайық» (Батыс Қазақстан облысы), «Шымкент» (Шымкент қаласы), «Тараз» (Жамбыл облысы), «Qostanay» (Қостанай облысы) мен «Оқжетпес» (Ақмола облысы) командалары өзара үздіктерді анықтайды.
Маусымның бесінші кезеңі – плей-офф ойындарында үздік 4 команда анықталып, алтын және қола жүлделер үшін матчтар сериясы екі жеңіске дейін өткізіледі.
Бұған дейін волейболдан жастар лигасының екінші турының басталғанын хабарлаған едік.
Нұрпейіс ҚОНЫСБАЙ,
волейболдан мемлекеттік жаттықтырушы
